قازاقستان • 24 قىركۇيەك، 2020

قازاقستاننىڭ قاي وبلىستارىندا ءجيى پارا بەرىلەدى؟

306 رەت كورسەتىلدى

قازاقستاننىڭ قاي وبلىستارىندا پارا ءجيى بەرىلەتىنى بەلگىلى بولدى. جالپى، ەلدە سىبايلاس جەمقورلىققا قاتىستى قۇقىق بۇزۋشىلىقتار ءبىر جىل ىشىندە 11 پايىزعا وسكەن، دەپ حابارلايدى Egemen.kz. بۇل تۋرالى Finprom.kz سايتى مالىمەت تاراتتى. 

ساراپشىلار 2020 جىلدىڭ قاڭتار-تامىزىندا ەلدە مەملەكەتتىك قىزمەت پەن مەملەكەتتىك باسقارۋ مۇددەلەرىنە قارسى 1،6 مىڭ سىبايلاس جەمقورلىق جانە باسقا قىلمىستىق قۇقىق بۇزۋشىلىقتار تىركەلگەنىن ەسەپتەپ شىعاردى. بۇل وتكەن جىلمەن سالىستىرعاندا 12،6 پايىزعا از.

ولاردىڭ ۇشتەن ەكىسى  پارامەن بايلانىستى بولعان. جىل باسىنان بەرى ەلدە 993 پارا الۋ فاكتىسى تىركەلىپتى. بۇل 2019 جىلدىڭ سايكەس كەزەڭىمەن سالىستىرعاندا 11،4 پايىزعا ارتىق. ونىڭ ىشىندە 555 ءىس پارا الۋعا قاتىستى، 404 ءىس پارا بەرۋگە بايلانىستى، 34 ءىس مەدياتسياعا قاتىستى.

ايماقتىق كونتەكستتە باتىس قازاقستان وبلىسى پاراقورلىققا قاتىستى كوشباسشىعا اينالدى. ايماقتا 97 ءىس تىركەلگەن. بۇل ءبىر جىلدىڭ ىشىندە ەكى ەسەگە وسكەندىگىن كورسەتەدى. ال ەكىنشى ورىندا الماتى وبلىسى. بۇل ايماقتا پارا الۋدىڭ 87 جاعدايى تىركەلگەن.ياعني، 47،5 پايىزعا كوبەيىپتى. شىعىس قازاقستان وبلىسى ءۇشىنشى ورىندا. 76 جاعداي، بىلتىرعىمەن  سالىستىرعاندا 3،8 پايىزعا از. 

سوڭعى جاڭالىقتار

ۇقساس جاڭالىقتار