بيىل اۋداندا 710 گەكتار ەگىستىك جەر اينالىمعا قوسىلدى. ناتيجەسىندە 65 774 گەكتار جەر يگەرىلىپ, جوسپار ارتىعىمەن ورىندالىپ وتىر. بۇل جوسپار نەگىزىنەن جەردى ءبىر ساناتتان ەكىنشى ساناتقا, ياعني جايىلىم جەرلەردى سۋارمالى جەرگە وزگەرتۋ جانە ءتالىمى جەرلەرگە باۋ, جىلىجاي شارۋاشىلىقتارىن جۇرگىزۋ ەسەبىنەن ورىندالدى.
سوڭعى جىلدارى اۋداندا جىلىجاي شارۋاشىلىعىمەن اينالىساتىن كاسىپكەرلەردىڭ سانى ارتىپ كەلەدى. ماسەلەن, 8 ايدىڭ ىشىندە 11 گەكتار جەرگە جىلىجاي سالىنىپ, جوسپار 73 پايىزعا ورىندالدى. جالپى اۋدانداعى جىلىجاي كولەمى 83 گەكتارعا جەتكەن. ونىڭ 21-ءى وندىرىستىك, 62 گەكتارى فەرمەرلىك جىلىجايلارعا جاتادى. ولاردان بۇگىنگە دەيىن 4 708 توننا ءونىم جينالدى. ونىڭ 3 621,5 تونناسى قيار, 1 086,5 تونناسى قىزاناق.
سونداي–اق, اۋدان حالقىن جىلىجاي وندىرۋمەن اينالىسۋدى تۇراقتى قامتاماسىز ەتۋ, حالىقتى تۇراقتى جۇمىسپەن قامتۋ ماقساتىندا اعىمداعى جىلى شۇبار سۋ اۋىل وكرۋگىنەن "شۇبار سۋ جىلىجاي ايماعىن قۇرۋ جوباسى" قولعا الىنىپ, 15 گا جەر تەلىمى ءبولىندى.
ايتا كەتەيىك, ۇستىمىزدەگى جىلدىڭ 8 ايىندا اۋىل شارۋاشىلىعى سالاسىنا 4 ملرد. 644 ملن. تەڭگە ينۆەستيتسيا تارتىلدى. بۇل وتكەن جىلدىڭ ءتيىستى كەزەڭىمەن سالىستىرعاندا 2 ەسەگە ارتتىق.
اۋدان بويىنشا جالپى سىيىمدىلىعى 38 مىڭ 050 توننا بولاتىن 16 بىرلىك قويمالار بار. ونىڭ ىشىندە 7 قويما سيىمدىلىعى 8 950 توننالىق كوكونىس ساقتايتىن, 9 قويما سيىمدىلىعى 29 مىڭ 100 توننالىق استىق ساقتاۋعا ارنالعان.
بۇل قويمالار قاجەتتىلىكتى تولىق قامتاماسىز ەتپەيدى. سوندىقتان اعىمداعى جىلى بادام اۋىل وكرۋگىنەن "الەكساندروۆسكي ساد" جشس-ءنىڭ جەمىس-جيدەك ونىمدەرىن باستاپقى وڭدەۋمەن اينالىساتىن سيىمدىلىعى - 1670 توننا. ينۆەستيتسيالىق قۇنى 815 ملن. تەڭگەنى قۇرايتىن زاماناۋي قويماسى ىسكە قوسىلاتىن بولادى.
