قوعام • 23 قىركۇيەك، 2020

مينيسترلەر مەن اكىمدەر "پرايمەريز" جۇيەسىنە تىركەلدى

15 رەت كورسەتىلدى

"Nur Otan" پارتياسىنىڭ جالپىرەسپۋبليكالىق ىشكى سايلاۋىندا داۋىس بەرۋگە ساناۋلى كۇندەر قالدى. پارتيانىڭ ءباسپاسوز قىزمەتى حابارلاعانداي، ەلباسى نۇرسۇلتان نازارباەۆتان كەيىن بارلىق مينيسترلەر مەن وڭىرلەردىڭ اكىمدەرى دە "پرايمەريز" اقپاراتتىق جۇيەسىندە اۆتوريزاتسيالاۋ راسىمىنەن ءوتتى، دەپ حابارلايدى Egemen.kz.

بۇعان دەيىن ايتىلعانداي، ەل تاريحىندا العاش رەت داۋىس بەرۋ ەلەكتروندىق تۇردە وتەدى. پارتيا مۇشەلەرى ءتۇرلى فورماتتاردى – ءموبيلدى قوسىمشانى، primaries.kz ۆەب-پورتالىن، ۋچاسكەدە ونلاين-داۋىس بەرۋدىڭ ءبىرىن تاڭداي الادى. سونداي-اق ينتەرنەتكە قول جەتىمدىلىگى جوق اۋدانداردا بيۋللەتەن ارقىلى داۋىس بەرۋگە بولادى.

سايلاۋ پروتسەسىنىڭ اشىقتىعىن قامتاماسىز ەتۋ ءۇشىن ء"بىر داۋىس، ءبىر جسن، ءبىر ءموبيلدى ءنومىر جانە ءبىر IP-ادرەس" قاعيداتى بويىنشا ارنايى ۆەريفيكاتسيا جۇيەسى قولدانىلدى. داۋىس بەرۋگە ەكى رەت قاتىسۋ مۇمكىن ەمەس. بۇل جاعدايدا سايلاۋشى بىردەن بىرنەشە كانديداتقا داۋىس بەرە الادى.

بۇگىنگە دەيىن جۇيەگە پارتيانىڭ 700 مىڭعا جۋىق مۇشەسى تىركەلگەن.

پارتيا حاتشىسى الىبەك الدەنەيدىڭ ايتۋىنشا، پارتياىشىلىك ىرىكتەۋ "Nur Otan"-عا جاڭا ادامداردىڭ كەلۋىنە بىردەن-ءبىر سەبەپكەر بولدى. تامىز ايىنىڭ وزىندە 25 مىڭ ادام پارتيا قاتارىنا قابىلدانعان.

"11 قىركۇيەك پەن 4 قازان ارالىعىندا "Nur Otan" پارتياسىنا مۇشەلىككە قابىلداۋ ۋاقىتشا توقتاتىلدى. بۇل – پارتياىشىلىك ىرىكتەۋدە ء"وز" كانديداتتارىنا داۋىس بەرگىزۋ ءۇشىن ازاماتتاردى پارتياعا كىرۋگە ماجبۇرلەۋ فاكتىلەرى جايلى شاعىمداردىڭ جيىلەۋىنە بايلانىستى قابىلدانعان شەشىم. ارينە، ءبىز "Nur Otan" پارتياسىنىڭ قاتارى جاڭا ادامدارمەن تولىققانىنا مۇددەلىمىز. ويتكەنى پارتيا قۇرامىنىڭ كاسىبي ماماندارمەن جاڭارىپ وتىرۋى اسا ماڭىزدى. الايدا پارتيا قاتارىنا قوسىلۋ ءاربىر ازاماتتىڭ سانالى تۇردە، ءوز قالاۋىمەن جۇزەگە اسۋى ءتيىس.

پارتياعا قابىلداۋدى ۋاقىتشا توقتاتۋ شەشىمى شىققانعا دەيىن 17،3 مىڭ ءوتىنىش كەلىپ تۇسكەنىن ايتا كەتۋ كەرەك. ونىڭ ىشىندە 16،2 مىڭ ادام "Nur Otan" پارتياسىنا قابىلداندى. ال 1،1 مىڭعا جۋىق ءوتىنىش ماقۇلدانبادى. ونىڭ ءارتۇرلى سەبەبى بار. ماسەلەن، ۇسىنىمداردىڭ بولماۋى مەن باعدارلامالىق قۇجاتتاردى بىلمەۋ، ءتىپتى ماجبۇرلەۋ فاكتىلەرىنە دەيىن ءجىتى زەردەلەندى. پارتيا ءوز قۇرامىن قولدان كوبەيتۋگە ءۇزىلدى-كەسىلدى قارسى. كەرىسىنشە، سوڭعى ۋاقىتتا پارتيامەن بايلانىستى ۇزگەن، قوعامدىق بەلسەندىلىگى تومەن جانە باسقا دا سەبەپتەرمەن "Nur Otan"-نىڭ قۇرامىنان پارتيالاستار شىعارىلدى"، - دەدى الىبەك الدەنەي.

ونىڭ ايتۋىنشا، وسىلايشا پارتياىشىلىك ىرىكتەۋ كەزىندە "Nur Otan" قاتارىنا 41،2 مىڭعا جۋىق ازامات قابىلدانعان. "Nur Otan" حاتشىسى پارتيا قاتارىن جاقىندا تولىقتىرعاندارعا 1-3 قازان ارالىعىندا ونلاين-داۋىس بەرۋگە قاتىسۋ ءۇشىن تەزدەتىپ Primaries.kz پورتالىندا تىركەۋدەن وتۋگە كەڭەس بەردى.

ايتا كەتەيىك، پرايمەريزدىڭ باستى ماقساتى – الداعى ءماجىلىس پەن بارلىق دەڭگەيدەگى ءماسليحاتتار سايلاۋىنا پارتيالىق تىزىمدەرگە ەنگىزۋ ءۇشىن قوعامنىڭ سەنىمى مەن قولداۋىنا يە بولعان بەدەلدى پارتيا كوشباسشىلارىن انىقتاۋ.

تىركەۋ ناتيجەسى بويىشا پارتياىشىلىك ىرىكتەۋگە 11 مىڭعا جۋىق ۇمىتكەر قاتىسۋدا. ەلىمىز بويىنشا ورتا ەسەپپەن ءبىر ورىنعا ءتورت ادام ۇمىتكەر بولىپ وتىر. كانديداتتاردىڭ 70%-ى ءوزىن-ءوزى ۇسىنعاندار، ال مىڭعا جۋىعى – پارتيانىڭ جاڭا مۇشەلەرى. 37%-ى – ايەلدەر، 29%-ى – 35 جاسقا دەيىنگى جاستار. قاتىسۋشىلاردىڭ ورتاشا جاسى – 43 جاس.

7 قىركۇيەكتەن باستاپ پرايمەريزگە قاتىسۋشىلار 817 مىڭنان استام ادامدى تىكەلەي قامتي وتىرىپ، 36 مىڭنان اسا ۇگىت-ناسيحات ءىس-شاراسىن وتكىزدى. 14 قىركۇيەكتەن باستاپ ونلاين-فورماتتا جاريا پىكىرسايىستار باستالدى. وندا قاتىسۋشىلار ناقتى ەلدى مەكەندەردىڭ ءتۇيىندى ماسەلەلەرىن شەشۋ جونىندەگى ءوز پايىمدارىن ورتاعا سالدى. بىرنەشە كۇننىڭ ىشىندە 11 مىڭنان اسا تالاپ-تىلەكتەر مەن ۇسىنىس جينالدى

كانديداتتاردىڭ رەيتينگىسى بار پرايمەريزدىڭ قورىتىندىسى 5 قازاندا جاريالانادى دەپ كۇتىلۋدە.

سوڭعى جاڭالىقتار

2021 جىلعى ورازا كەستەسى

رۋحانيات • بۇگىن، 15:36

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

ۇقساس جاڭالىقتار