سپورت • 23 قىركۇيەك، 2020

جانىبەك ءالىمحان ۇلىنىڭ جەكپە-جەگىنە ەكى اپتا قالعاندا قارسىلاسى اۋىسىپ كەتتى

381 رەت كورسەتىلدى

ورتا سالماقتا ونەر كورسەتەتىن قازاقستاندىق كاسىپقوي بوكسشى جانىبەك ءالىمحان ۇلىنىڭ كەلەسى كەزدەسۋدەگى قارسىلاسى اۋىسىپ كەتتى، دەپ حابارلايدى Egemen.kz.

وتانداسىمىز 9 قىركۇيەك كۇنى لاس-ۆەگاس قالاسىندا (نەۆادا شتاتى، اقش) The Bubble ارەناسىندا Top Rank ۇيىمداستىراتىن بوكس كەشىندە شارشى الاڭعا شىعۋ كەرەك. ءالىمحان ۇلىنىڭ قارسىلاسى رەيتينگتە ۇزدىك 15-ءتىڭ قاتارىندا بولعان بوكسشى بولۋى كەرەك ەدى. بىراق ول قارسىلاس جاراقات الىپ قالىپتى. 

"جاتتىعۋ جالعاسىپ جاتىر. وكىنىشكە وراي، قارسىلاس اۋىسىپ جاتىر. توپ 15-تەگى سولاقاي قارسىلاس جاتتىعۋدا جاراقات الىپتى. بۇگىن حابارلادى. پروموۋتەر 2-3 كۇندە جاڭا قارسىلاستىڭ ەسىمىن ايتادى. بۇل جولعىسى وتكەندەگىسىنەن مىقتى ءارى اتاقتى بولادى دەپ سەنەمىز. ارينە جەكپە-جەككە از قالعاندا قارسىلاستىڭ اۋىسقانى جاقسى ەمەس. دەگەنمەن ءبىز كەز-كەلگەنىنە دايىنبىز"، - دەپ جازدى ءالىمحان ۇلى Instagram پاراقشاسىندا. 

ايتا كەتەيىك، ءالىمحان ۇلى سوڭعى رەت شارشى الاڭعا قاراشا ايىندا فرەسنو قالاسىندا (كاليفورنيا شتاتى، اقش) شارشى الاڭعا شىعىپ، كانادالىق البەرت ونولۋنسەنى جەڭىپ، WBC Continental Americas جانە WBO Global بەلبەۋلەرىن قورعاپ قالدى. 

نەگىزى ول شارشى الاڭعا ناۋرىز ايىندا كۆەبەك (كانادا) قالاسىندا گانالىق يسسا ساميرمەن (18-0، 15 كو) كەزدەسۋى كەرەك ەدى. بىراق بۇل شوۋ كوروناۆيرۋسقا بايلانىستى وتپەي قالدى. 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار