قوعام • 23 قىركۇيەك، 2020

قوستانايدا "جۇمىسپەن قامتۋدىڭ جول كارتاسى" اياسىندا 14 340 جۇمىس ورنى اشىلدى

15 رەت كورسەتىلدى

مەملەكەتتىك باعدارلامانىڭ وڭىردە جۇزەگە اسىرىلۋ بارىسى وبلىستىق اكىمدىكتە ايماق باسشىسى ارحيمەد مۇحامبەتوۆتىڭ توراعالىعىمەن وتكەن القالى جيىندا تالقىلاندى، دەپ حابارلايدى Egemen.kz

باسقوسۋدا باسقارما باسشىلارى وبلىستا جۇرگىزىلىپ جاتقان جۇمىستاردىڭ ىسكە اسىرىلۋى مەن قارقىنى تۋرالى باياندادى.

– بيىل "جۇمىسپەن قامتۋ جول كارتاسى" مەملەكەتتىك باعدارلاماسىن ىسكە اسىرۋ اياسىندا 53،7 ملرد تەڭگە سوماسىنا 282 جوبانى ىسكە اسىرۋ كوزدەلگەن. باعدارلامانى جۇزەگە اسىرۋ بارىسىندا ايماقتا 14 340 جۇمىس ورنى قۇرىلدى، ونىڭ ىشىندە حالىقتى جۇمىسپەن قامتۋ ورتالىعى ارقىلى 5139 ادام جۇمىسقا ورنالاستىرىلدى، ال جالپى 7170 ادام جۇمىسقا ورنالاستىرىلادى. باعدارلامانىڭ باستى ماقساتى – ينفراقۇرىلىمدى جانە تۇرعىن ءۇي-كوممۋنالدىق شارۋاشىلىعىن دامىتۋ ەسەبىنەن حالىقتى جۇمىسپەن قامتي وتىرىپ، اۋىلداردا، كەنتتەردە، شاعىن قالالاردا ينفراقۇرىلىمدىق دامۋ جوبالارىن ىسكە اسىرۋ بولىپ تابىلادى، – دەدى ارحيمەد مۇحامبەتوۆ.

جيىن سوڭىندا وبلىس اكىمى مەملەكەتتىك مەكەمە باسشىلارىنا باعدارلاما اياسىنداعى جوبالاردىڭ جۇزەگە اسىرىلۋىن باقىلاۋدا ۇستاۋدى تاپسىردى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار