قازاقستان • 23 قىركۇيەك، 2020

قازاقستاندىق اۋە كومپانياسى ەۋرووداق سانكتسياسىنا ىلىكتى

41 رەت كورسەتىلدى

Sigma Airlines كومپانياسىنا ليۆياعا قارۋ-جاراقتى زاڭسىز تاسىمالدادى دەگەن ايىپ تاعىلىپ وتىر، دەپ حابارلايدى Egemen.kz

"اتالعان پايدالانۋشىلاردىڭ اۋە كەمەلەرىنىڭ مەنشىك يەلەرى ءباا-دە، بريتان ۆيرگين ارالدارىندا تىركەلگەن شەتەلدىك كومپانيالار بولىپ تابىلادى. كەمەلەر تاياۋ شىعىس ايماعىندا دا شەتەلدىك تاپسىرىس بەرۋشىلەردىڭ مۇددەلەرى ءۇشىن پايدالانىلدى. نەگىزگى بازاسى ءباا بولدى"، دەپ ءتۇسىندىردى ازاماتتىق اۆياتسيا كوميتەتى توراعاسىنىڭ ورىنباسارى ارداق وتەپوۆ.

بۇعان دەيىن بۇۇ قاۋىپسىزدىك كەڭەسى Sigma Airlines قارۋ-جاراقتى ليۆياعا جەتكىزەتىنىن، وسىلايشا حالىقارالىق ۇيىمنىڭ تىيىم سالۋىن بۇزاتىنىن مالىمدەدى. قازىر كومپانيانىڭ رەيستەرى توقتاتىلعان. ەندى ەلىمىزدىڭ قۇقىق قورعاۋ ورگاندارى مەن قاۋىپسىزدىك كەڭەسىنىڭ وكىلدەرى زاڭسىز جەتكىزىلىمدەردىڭ قالاي جۇزەگە اسىرىلعانىن انىقتاۋى كەرەك.

سونىمەن قاتار قازاقستاننىڭ اۆياتسيالىق اكىمشىلىگىنىڭ باسشىسى پيتەر گريففيتس Atameken Business تەلەارناسىنا قازاقستاندىق اۆياتاسىمالداۋشىنىڭ كىناسى تۋرالى دالەلدەر جوق ەكەنىن مالىمدەدى.

ء"ۇش اي ىشىندە تەرگەۋ جۇرگىزىلەدى. ونىڭ ناتيجەلەرىنە سۇيەنە وتىرىپ، ءبىز شەشىم قابىلدايمىز. ەگەر Sigma Airlines كىناسى دالەلدەنسە، كومپانيا جابىلادى"، دەدى ول.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار