قوعام • 23 قىركۇيەك، 2020

حالىقارالىق تۇركى اكادەمياسىنىڭ پرەزيدەنتى تۇركى كەڭەسى ۇيلەستىرۋ كومميتەتىنىڭ وتىرىسىنا قاتىستى

28 رەت كورسەتىلدى

تۇركى تىلدەس مەملەكەتتەرى ىنتىماقتاستىعى كەڭەسى حاتشىلىعىنىڭ ۇيىمداستىرۋىمەن ۇيلەستىرۋ كوميتەتىنىڭ العاشقى وتىرىسى ءوتتى، دەپ حابارلايدى Egemen.kz.

ونلاين فورماتتا وتكەن القالى جيىنعا تۇركى كەڭەسىنىڭ باس حاتشىسى باعدات امىرەەۆ، تۇركىتىلدەس ەلدەر پارلامەنتتىك اسسامبلەياسىنىڭ (تۇرىكپا) باس حاتشىسى التىنبەك مامايۋسۋپوۆ، تۇركى مادەنيەتىنىڭ حالىقارالىق ۇيىمى (تيۋركسوي) باس حاتشىسى دۇيسەن قاسەينوۆ، حالىقارالىق تۇركى اكادەمياسىنىڭ باسشىسى دارحان قىدىرالى، تۇركى مادەنيەتى جانە ميراسى قورىنىڭ پرەزيدەنتى گۇناي ەفەنديەۆا جانە وزبەكستان تاراپىنان ديپلوماتيالىق ميسسيا وكىلدەرى قاتىستى.

كەڭەس بارىسىندا قاتىسۋشىلار ءوز ۇيىمدارىنىڭ بيىل اتقارعان ىستەرى جانە الداعى ۋاقىتتاعى جوسپارلانعان جۇمىستارى تۋرالى پىكىر الماستى.

اكادەميا باسشىسى دارحان قىدىرالى دە تۇركى اكادەمياسىنىڭ اتقارعان جۇمىستارى تۋرالى مالىمەت بەرىپ، الداعى جۇمىس جوسپارىمەن تانىستىردى. سونداي-اق تۇركى الەمىنىڭ تۇعىرلى تۇلعالارىنىڭ مەرەيتويلارى مەن ايتۋلى وقيعالارىن اتاپ ءوتۋدىڭ ماڭىزدىلىعىن جەتكىزدى.

جيىن قورىتىندىسى بويىنشا تاراپتار بىرلەسكەن ءىس-شارالاردى ۇيىمداستىرۋدىڭ تيىمدىلىگى ارتتىرۋعا ۋاعدالاستى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار