باسىلىم مالىمەتىنشە, اڭگىمە نەگىزىنەن مەديتسينالىق, ءبىلىم جانە ىسكەرلىك سالالار جايلى. سونىمەن قاتار مادەنيەت وكىلدەرى دە وسىنداي جەڭىلدىككە يە بولماق. وسىلايشا اتالعان سەبەپتەرمەن جاپونياعا كۇنىنە الەمنىڭ تۇكپىر-تۇكپىرىنەن مىڭعا جۋىق ادام كىرە الادى.
بىراق ولاردىڭ قولىندا ۇشار الدىندا جاساتقان كوروناۆيرۋستىڭ جوقتىعىن راستايتىن تەست ناتيجەسى بولۋى كەرەك. ال كەلگەن سوڭ تاعى ەكى اپتا كارانتينگە جاتقىزىلادى. بۇدان بولەك كۇنشىعىس ەلى شەتەلدىك ستۋدەنتتەرگە قاتىستى شەكتەۋلەردىڭ ءبارىن الىپ تاستاماق. ال قاراشادان باستاپ ەلدىڭ توكيو, وساكا, فۋكۋوكا, ناگويا جانە ساپپورو سەكىلدى ءىرى قالالارى كۇنىنە 20 مىڭعا دەيىن ادامدى قابىلدايتىن بولادى.
