العاشقى جەدەل جاردەم كولىكتەرى نۇر-سۇلتان, الماتى قالالارىنا جانە سولتۇستىك قازاقستان وبلىسىنا تاپسىرىلدى. بۇگىندە 18 بىرلىك وتاندىق جەدەل جاردەم كولىگى نۇر-سۇلتان قالاسىنىڭ اكىمدىگىنە بەرىلدى. قىركۇيەك ايىنىڭ سوڭىنا دەيىن قازاقستاننىڭ بارلىق وڭىرلەرىنە وتاندىق ءوندىرىستىڭ 360 بىرلىگى جەتكىزىلەدى.
جالپى, قر دەنساۋلىق ساقتاۋ مينيسترلىگى مەن وڭىرلەردىڭ مەديتسينالىق مەكەمەلەرىنىڭ سانيتارلىق كولىك پاركىن جاڭارتۋ باعدارلاماسى بويىنشا 1 167 بىرلىك سانيتارلىق اۆتوكولىك جەتكىزۋ جوسپارلانعان, ولار اعىمداعى جىلدىڭ سوڭىنا دەيىن جەتكىزىلەدى. سانيتارلىق كولىكتى جاڭارتۋ باعدارلاماسىنا "سارىارقااۆتوپروم" جشس, "سەماز" جشس جانە "Hyundai Trans Auto" جشس وتاندىق وندىرۋشىلەرى قاتىسۋدا.
جاڭا جەتكىزىلىمدەر "Jac Sunrey", "Hyundai H350" جانە "گازەل NEXT" وتاندىق اۆتوموبيلدەرىنەن تۇرادى. بۇگىندە قازاقستان زاۋىتتارىندا 700-گە جۋىق مامان جۇمىس ىستەپ جاتىر. قازاقستاندا ەسكىرگەن سانيتارلىق كولىكتى جاڭارتۋ جونىندەگى باعدارلاما دەنساۋلىق ساقتاۋ جۇيەسىن جانە وتاندىق ءوندىرىستى دامىتۋعا ىقپال ەتەدى.
باعدارلامانىڭ جاھاندىق ماقساتى - قازاقستاندىقتاردىڭ دەنساۋلىعىن ساقتاۋ, مەديتسينانى, سونداي-اق ماشينا جاساۋ سالاسىن دامىتۋ, وتاندىق اۆتوونەركاسىپتى وقشاۋلاۋ, جۇمىس ورىندارىن قۇرۋ.
