– قالادا ءبىلىم مەكەمەلەرى تولىقتاي ينتەرنەت جەلىسىنە قوسىلعان. بۇگىندە «قازاقتەلەكوم» اق-ى ارقىلى ءبىلىم بەرۋ ۇيىمدارىنىڭ ينتەرنەت جەلىسىنىڭ جىلدامدىعىن 8 مب/س - 12 مب/س-قا دەيىن ۇلعايتۋ ماقساتىندا قوسىمشا كەلىسىمشارتتار تۇزىلۋدە. ال قالا شەتىندەگى ينتەرنەت جىلدامدىعى تومەن ەلدىمەكەندەر بويىنشا شىمكەنت قالالىق تسيفرلاندىرۋ باسقارماسى «قازاقتەلەكوم» اق-مەن بىرلەسە وتىرىپ, 8 ورىنعا بايلانىس ستانتسياسىن ورناتۋ جۇمىستارى جۇرگىزىلۋدە, – دەدى ج.تاجيەۆا.
سپيكەردىڭ سوزىنە سۇيەنسەك, قالادا 17 701 وتباسىعا «Bilim al» ينتەرنەت-تاريفىنە قوسىلعان SIM كارتالار بەرىلىپ, 760 وتباسىعا كابەلدى ينتەرنەت جەلىسى تارتىلعان.
بريفينگ بارىسىندا جانات ارىسبەكقىزى بيىل ءبىلىم الۋ ونلاين فورماتتا جۇرگىزىلۋىنە بايلانىستى اتا-انالار تاراپىنان كومپيۋتەرلىك تەحنيكا جانە ينتەرنەتپەن قامتاماسىز ەتۋ ماسەلەلەرى جونىندە بىرقاتار ارىز-شاعىم تۇسكەنىن تىلگە تيەك ەتتى. ونىڭ ايتۋىنشا, بۇل وتىنىشتەر بويىنشا ءتيىستى جۇمىستار جۇرگىزىلىپ جاتىر.
ايتا كەتەيىك, قالاداعى ءبىلىم بەرۋ ۇيىمدارى تولىق سانيتارلىق قاجەتتىلىكتەرمەن قامتاماسىز ەتىلگەن.
شىمكەنت اقپاراتتىق-كوممۋنيكاتسيالىق ورتالىعى
