ساياسات • 22 قىركۇيەك، 2020

Nur Otan پرايمەريزىنە قاتىسۋشىلار 30 مىڭنان اسا ۇگىت ءىس-شاراسىن وتكىزدى

55 رەت كورسەتىلدى

«Nur Otan»-نىڭ پارتياىشىلىك سايلاۋىندا ونلاين-داۋىس بەرۋگە قاتىسۋ ءۇشىن «پرايمەريز» اقپاراتتىق جۇيەسىنە 700 مىڭعا جۋىق پارتيا مۇشەسى تىركەلدى.

پارتيا ءباسپاسوز قىزمەتىنىڭ مالىمەتىنشە، «Nur Otan» پرايمەريزىنە 11 مىڭعا جۋىق ۇمىتكەر قاتىسۋدا. ەلىمىز بويىنشا ورتا ەسەپپەن ءبىر ورىنعا ءتورت ادام ۇمىتكەر بولىپ وتىر. كانديداتتاردىڭ 70%-ى ءوزىن-ءوزى ۇسىنعاندار، ال مىڭعا جۋىعى – پارتيانىڭ جاڭا مۇشەلەرى. 37%-ى – ايەلدەر، 29%-ى – 35 جاسقا دەيىنگى جاستار. قاتىسۋشىلاردىڭ ورتاشا جاسى – 43 جاس.

7 قىركۇيەكتەن باستاپ پرايمەريزگە قاتىسۋشىلار 800 مىڭنان استام ادامدى تىكەلەي قامتي وتىرىپ، 32 مىڭنان اسا ۇگىت-ناسيحات ءىس-شاراسىن وتكىزدى. 14 قىركۇيەكتەن باستاپ ونلاين-فورماتتا جاريا پىكىرسايىستار باستالادى. وندا قاتىسۋشىلار ناقتى ەلدى مەكەندەردىڭ ءتۇيىندى ماسەلەلەرىن شەشۋ جونىندەگى ءوز پايىمدارىن ورتاعا سالدى.

«ەلباسى، پارتيا ليدەرى نۇرسۇلتان نازارباەۆ ەلىمىزدەگى ازاماتتاردى الاڭداتقان ماسەلەلەردى بىرلەسىپ شەشۋ ءۇشىن اشىق ديالوگتى قامتاماسىز ەتۋدىڭ ماڭىزدىلىعىن اتاپ ءوتتى. حالىقپەن كەڭىنەن تالقىلاۋ ماقساتىندا «Nur Otan» پارتياسى ءاربىر ءوڭىر، قالا جانە اۋدان بويىنشا 216 سايلاۋالدى باعدارلامانىڭ جوبالارىن جاريالادى. ولاردى ەل پرەزيدەنتى قاسىم-جومارت توقاەۆتىڭ قازاقستان حالقىنا جولداۋىندا قويىلعان مىندەتتەردى، سونداي-اق، «حالىق ۇنىنە قۇلاق اساتىن مەملەكەت» تۇجىرىمداماسى اياسىندا ازاماتتاردىڭ ۇسىنىستارىن ەسكەرە وتىرىپ پىسىقتايدى. بىرنەشە كۇننىڭ ىشىندە پرايمەريزگە قاتىسۋشىلار 8 مىڭنان اسا تالاپ-تىلەكتەر مەن ۇسىنىس جينادى»، – دەلىنگەن پارتيانىڭ ءباسپاسوز قىزمەتى جاريالاعان بەينەروليكتە.

ەسكە سالا كەتەيىك، «Nur Otan» پرايمەريزىنىڭ باستى ماقساتى – الداعى ءماجىلىس پەن بارلىق دەڭگەيدەگى ءماسليحاتتار سايلاۋىنا پارتيالىق تىزىمدەرگە ەنگىزۋ ءۇشىن قوعامنىڭ سەنىمى مەن قولداۋىنا يە بولعان بەدەلدى پارتيا كوشباسشىلارىن انىقتاۋ.

سونداي-اق، پارتيا ەلەكتروندىق داۋىس بەرۋدى ۇيىمداستىرۋ ءۇشىن ءموبيلدى قوسىمشا مەن primaries.kz ۆەب-پورتالىنىڭ مۇمكىندىكتەرىن پايدالانۋدى جوسپارلاپ وتىر. اشىقتىقتى قامتاماسىز ەتۋ ءۇشىن ء«بىر داۋىس، ءبىر جسن، ءبىر ءموبيلدى ءنومىر جانە ءبىر IP-ادرەس» قاعيداتى بويىنشا راستاۋ (ۆەريفيكاتسيا) جۇيەسى قولدانىلدى.

كانديداتتاردىڭ رەيتينگىسى بار پرايمەريزدىڭ قورىتىندىسى 5 قازاندا جاريالانادى. 

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار