پارلامەنت • 22 قىركۇيەك، 2020

قازاقستان مەن ءباا اراسىنداعى سوتتالعان ادامداردى بەرۋ تۋرالى زاڭ جوباسى قارالدى

23 رەت كورسەتىلدى

سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسى ءوتتى. وندا "قازاقستان رەسپۋبليكاسى مەن بىرىككەن اراب امىرلىكتەرى اراسىنداعى سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى" زاڭ جوباسى قارالدى، دەپ حابارلايدى Egemen.kz.

قۇجاتتا جازاسىن ودان ءارى ءوز ەلدەرىندە وتەۋ ءۇشىن ەكى مەملەكەت اراسىندا سوتتالعان ادامداردى بەرۋ مۇمكىندىگى قاراستىرىلعان.زاڭ جوباسىنىڭ نەگىزگى مىندەتى سوتتالعان ادامداردى بەرۋ ماسەلەلەرى بويىنشا ەكى مەملەكەتتىڭ قۇزىرەتتى ورگاندارىنىڭ ءوزارا ءىس-قيمىلىن رەگلامەنتتەۋ بولىپ تابىلادى.

شارتتا سوتتالعان ادامدى بەرۋ، سۇراۋ سالۋدىڭ نىسانى مەن مازمۇنى، بەرۋ شارتتارى، سوتتالعان ادامدى بەرۋدەن باس تارتۋ نەگىزدەرى جازىلعان.بۇدان بولەك اتالعان قۇجاتتا ۇكىمنىڭ ورىندالۋىن، ۇكىمنىڭ ورىندالۋىن توقتاتۋدى نەمەسە وزگەرتۋدى، اقپارات الماسۋدى، سوتتالعان ادامنىڭ ءترانزيتىن رەتتەيتىن نورمالار كوزدەلگەن.

قازاقستان تاراپىنان ورتالىق ورگان رەتىندە باس پروكۋراتۋرا بەلگىلەندى. زاڭ جوباسى پالاتانىڭ قاراۋىنا جولداندى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار