پرەزيدەنت • 22 قىركۇيەك، 2020

پرەزيدەنت قاراعاندى وبلىسىنىڭ اكىمىن قابىلدادى

32 رەت كورسەتىلدى

قاسىم-جومارت توقاەۆ جىل باسىنان بەرگى ايماقتىڭ الەۋمەتتىك-ەكونوميكالىق دامۋىنىڭ نەگىزگى كورسەتكىشتەرى تۋرالى جەڭىس قاسىمبەكتىڭ ەسەبىن تىڭدادى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

مەملەكەت باسشىسىنا قايتا وڭدەۋ جانە تاۋ-كەن ونەركاسىبى، اۋىلشارۋاشىلىعى وندىرىسىندەگى وڭ وزگەرىس، استىق جيناۋ ناۋقانى تۋرالى مالىمەت بەرىلدى.

سونىمەن قاتار قاسىم-جومارت توقاەۆقا جىلىتۋ ماۋسىمىنا دايىندىق جانە جۇمىسپەن قامتۋدىڭ جول كارتاسىن جۇزەگە اسىرۋ بارىسى، تۇرعىن ءۇي جانە ينفراقۇرىلىمدىق قۇرىلىس تۋرالى اقپارات بەرىلدى.

پرەزيدەنتكە وبلىستاعى كوروناۆيرۋس ىندەتىنىڭ الدىن الۋ جانە وعان قارسى ءىس-قيمىل شارالارى، پاندەميانىڭ بولۋى ىقتيمال ەكىنشى تولقىنىنا دايىندىق جاعدايى دا ايتىلدى. جەڭىس قاسىمبەك مەديتسينالىق ينفراقۇرىلىمدار مەن دارىگەرلەردى دايارلاۋ جۇمىستارى تۋرالى ايتىپ بەردى.

كەزدەسۋ سوڭىندا قاسىم-جومارت توقاەۆ جۇمىسپەن قامتۋدىڭ جول كارتاسى بويىنشا جاڭا جۇمىس ورىندارىن اشۋ، وڭىرگە ينۆەستيتسيا تارتۋ جانە باسقا دا ايماقتى دامىتۋعا قاتىستى بىرقاتار تاپسىرما بەردى.

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار