قازاقستان • 22 قىركۇيەك، 2020

بالاسىنا شيكى ەت جەگىزگەن اتا-انانى ءىىم ىزدەستىرىپ جاتىر

41 رەت كورسەتىلدى

قر ءىىم جەلىدە تاراعان ۆيدەوعا بايلانىستى، كىشكەنتاي سابيگە شيكى ەت جەگىزگەن اتا-انانى ىزدەستىرىپ جاتىر، دەپ حابارلايدى Egemen.kz.

قازاقستان بالالار قۇقىقتارىن قورعاۋ كوميتەتى توراعاسىنىڭ ورىنباسارى يۋليا وۆەچكينانىڭ ايتۋىنشا، بالانىڭ زاڭدى وكىلدەرى تابىلعاننان كەيىن ولارمەن ءتۇسىندىرۋ جۇمىستارى جۇرگىزىلەدى. ال ازىرگە ولاردى ىشكى ىستەر مينيسترلىگى ىزدەستىرىپ جاتىر.

"قاجەت بولعان جاعدايدا بالاعا مەديتسينالىق كومەك كورسەتىلەدى. اتا-انالار بالالارىنىڭ دەنساۋلىعىنا، فيزيكالىق، پسيحيكالىق، رۋحاني جانە مورالدىق دامۋىنا قامقورلىق جاساۋ كەرەك ەكەنىن ۇمىتپاۋى كەرەك. سونىمەن قاتار، ولار بالانىڭ ءومىرى، دەنساۋلىعى مەن قاۋىپسىزدىگى ءۇشىن اكىمشىلىك جانە قىلمىستىق جاۋاپكەرشىلىككە تارتىلاتىندىعىن ەستە ۇستاعان ءجون"، دەدى يۋليا وۆەچكينا.

سونداي-اق پەدياتر-دارىگەر ماريا گولوۆەنكو دا بەينەروليككە تۇسىنىكتەمە بەردى. ونىڭ ايتۋىنشا، شيكى ەت جەۋ بالانىڭ دەنساۋلىعى ءۇشىن وتە قاۋىپتى.

ەسكە سالايىق، كۇنى كەشە الەۋمەتتىك جەلىدە ءبىر جاس شاماسىنداعى بالانىڭ شيكى ەت تىستەلەپ وتىرعان ۆيدەوسى قىزۋ تالقىعا ءتۇسىپ ەدى. 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار