بيىلعى 8 ايدىڭ قورىتىندىسىندا وتاندىق كاسىپورىندار 20,3 ملرد. تەڭگەگە 1 118 تراكتور جانە 34,7 ملرد. تەڭگەگە 736 كومباين ءوندىردى. بۇل وتكەن جىلدىڭ سايكەس كەزەڭىمەن سالىستىرعاندا 2 ەسە ارتىق.
قر يندۋستريا جانە ينفراقۇرىلىمدىق دامۋ مينيسترلىگى وتاندىق ءوندىرىستىڭ اۋىل شارۋاشىلىعى تەحنيكاسىن ساتىپ الۋدى ىنتالاندىرۋ ماقساتىندا تراكتورلار مەن كومبايندارعا جەڭىلدىكتى ليزينگ باعدارلاماسىن ىسكە اسىرۋدا. باعدارلامانىڭ نەگىزگى شارتتارى تەحنيكا قۇنىنىڭ 15% باستاپقى جارناسىمەن 7 جىلعا 7%-بەن ليزينگ الۋشىعا قارجىلاندىرۋ ۇسىنىلادى. 2018 جىلى بۇل ماقساتقا رەسپۋبليكالىق بيۋدجەتتەن 3 ملرد. تەڭگە, 2019 جىلى 3,5 ملرد. تەڭگە جانە 2020 جىلى 6,5 ملرد.تەڭگە ءبولىندى.
سالانى ءارى قاراي قولداۋ ماقساتىندا جەڭىلدىكتى ليزينگ باعدارلاماسى شەڭبەرىندە "قدب-ليزينگ" اق ارقىلى تراكتورلار مەن كومبايندارعا 2021-2025 جىلدارعا 13,5 ملرد. تەڭگە مولشەرىندە قوسىمشا قاراجات ءبولۋ ۇسىنىلىپ وتىر. سونىمەن قاتار, ينۆەستيتسيالىق سالىمدار كەزىندە اگروونەركاسىپتىك كەشەن سۋبەكتىسى شىعىستاردىڭ ءبىر بولىگىن وتەۋ بويىنشا سۋبسيديالاۋ جونىندەگى اگروونەركاسىپتىك كەشەن باعدارلاماسى شەڭبەرىندە شەتەلدىك تەحنيكاعا بەرىلگەن سۋبسيديالار كولەمىن مەملەكەتتىك قارجىدان جىلىنا بولىنەتىن سۋبسيديالاردىڭ بارلىق كولەمىنىڭ 30%-نان اسپايتىن مولشەردە بەلگىلەۋ جوسپارلانىپ وتىر.
