قازاقستان • 22 قىركۇيەك، 2020

قازاقستان مەن اقش جوعارى بايىتىلعان ۋراندى ازايتۋ تۋرالى مالىمدەمەگە قول قويدى

24 رەت كورسەتىلدى

اەحا باس كونفەرەنتسياسىنىڭ 64-ءشى سەسسياسىندا ەلىمىزدىڭ ەنەرگەتيكا مينيسترلىگى مەن اقش ەنەرگەتيكا دەپارتامەنتىنىڭ يادرولىق قاۋىپسىزدىك جونىندەگى ۇلتتىق اكىمشىلىگى جوعارى بايىتىلعان ۋراندى ازايتۋ تۋرالى ەكىجاقتى مالىمدەمەگە قول قويدى، دەپ حابارلايدى Egemen.kz

يادرولىق قاتەردى ازايتۋ جونىندەگى جاھاندىق باستامانىڭ اياسىندا بۇگىندە قازاقستاندا زەرتتەۋ رەاكتورلارىن كونۆەرسيالاۋ جونىندەگى جۇمىستار جۇرگىزىلىپ جاتىر.

ەنەرگەتيكا مينيسترلىگى: "بۇل جۇمىستاردىڭ نەگىزگى ماقساتى جوعارى بايىتىلعان ۋراندى (جبۋ) جويۋ ارقىلى يادرولىق ماتەريالداردى تاراتپاۋ جانە زەرتتەۋ رەاكتورلارىن تومەن بايىتىلعان ۋران (تبۋ) وتىنىنا كوشىرۋ بولىپ وتىر. وسى جوبالار اقش ۇيىمدارىمەن بىرلەسىپ ىسكە اسىرىلۋدا، ولار كۇردەلى مىندەتتى ورىنداۋ ءۇشىن قازاقستان ۇيىمدارىنىڭ عىلىمي-تەحنيكالىق الەۋەتى مەن قۇزىرەتتەرىنىڭ جوعارى دەڭگەيىن اتاپ ءوتتى"، دەپ حابارلايدى.

جوبانى ىسكە اسىرۋدىڭ ماڭىزدىلىعىن ەسكەرە وتىرىپ اەحا باس كونفەرەنتسياسىنىڭ 64-ءشى سەسسياسى شەڭبەرىندە ەنەرگەتيكا مينيسترلىگى مەن اقش ەنەرگەتيكا دەپارتامەنتىنىڭ يادرولىق قاۋىپسىزدىك جونىندەگى ۇلتتىق اكىمشىلىگى جوعارى بايىتىلعان ۋراندى ازايتۋ تۋرالى بىرلەسكەن مالىمدەمەگە قول قويدى.

ەكى تاراپتا جبۋ-دى بارىنشا ازايتۋ، يادرولىق قاۋىپسىزدىكتى قامتاماسىز ەتۋ جانە يادرولىق قارۋدى تاراتپاۋ رەجيمىن نىعايتۋ جونىندەگى ورتاق ماقساتتاردى قولداۋ ءۇشىن بىرلەسكەن ارەكەتتەردى جالعاستىرۋ نيەتىن راستايدى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار