الەم • 22 قىركۇيەك، 2020

ەگيپەتتە 2500 جاستاعى 27 ساركوفاگ تابىلدى

118 رەت كورسەتىلدى

ەگيپەتتىڭ تۋريزم جانە ەجەلگى جادىگەرلەر مينيسترلىگى وسى جەكسەنبىدە ساككارداعى ەجەلگى قورىمنان 14 ساركوفاگ تابىلعانىن حابارلادى، دەپ جازادى Egemen.kz

بۇعان قوسىمشا وتكەن اپتادا 13 ساركوفاگ تابىلعان ەدى. ارتەفاكتىلەردىڭ جاسى شامامەن 2500 جىلدى قۇرايدى.

يۋنەسكو-نىڭ بۇكىلالەمدىك مۇرا تىزىمىنە ەنگەن ەجەلگى ساككارا قورىمى − ايگىلى گيزا پيراميدالارىنان وڭتۇستىككە قاراي 16 شاقىرىم جەردە ورنالاسقان. بۇدان بولەك، جاقىن ماڭايدا دجوسەردىڭ ۇلكەن ساتىلى پيراميداسى دا ورنالاسقان.

عالىمداردىڭ ايتۋىنشا، اعاش ساركوفاگتار جەرلەنگەن ساتتەن باستاپ اشىلماعان. ولاردىڭ بەتىندە جەبە مەن كوك بوياۋمەن جاسالعان اسەم سۋرەتتەر، سونداي-اق يەروگليفتىك جازۋلار وتە جاقسى ساقتالعان.

مينيسترلىكتىڭ پاراقشاسىندا عالىمدار جۇمىستىڭ ءارى قاراي جالعاساتىنىن جانە تاياۋدا جاڭا نىسانداردى تابۋعا نيەتتى ەكەنىن جاسىرمادى.

ايتا كەتەيىك، ەگيپەت ۇكىمەتى كوروناۆيرۋستىق پاندەمياعا بايلانىستى تۋريزم سالاسىن جانداندىرۋ ماقساتىندا بۇكىل ەل بويىنشا ارحەولوگيالىق اشىلۋلاردى قولدايتىنىن العا تارتتى.

سوڭعى جاڭالىقتار

ۇقساس جاڭالىقتار