ءبىر كۇن بۇرىن روسكوسموس 22 قىركۇيەكتە ماسكەۋ ۋاقىتىمەن 03:18-دەن 10:26-عا دەيىن "مونيتور-ە1" اتموسفەرانىڭ تىعىز قاباتتارىنا ەنۋى كەرەك دەپ حابارلاعان ەدى. الايدا سپۋتنيك بۇگىن تاڭەرتەڭگى ۋاقىتتا وربيتادان شىعىپ كەتكەن. سوڭعى رەت قۇرىلعى 130-دان 142 كم بيىكتىكتە تىركەلگەن. مەملەكەتتىك كورپوراتسيا وكىلدەرىنىڭ ايتۋىنشا, سپۋتنيكتىڭ ورتەنبەگەن فراگمەنتتەرىنىڭ جەرگە قۇلاۋ ىقتيمالدىعى وتە از.
ايتا كەتەيىك, "مونيتور-ە1" سپۋتنيگى عارىشقا العاش رەت 2005 جىلدىڭ تامىزىندا پلەسەتسك عارىش ايلاعىنان ۇشىرىلدى. وربيتاعا شىققاننان كەيىن بايلانىس بىردەن ورناتىلماي, ول تاۋلىك ىشىندە ورناتىلعان ەدى. سول جىلدىڭ قازان ايىندا اپپارات باسقارۋ پروبلەمالارىنا بايلانىستى باعدارلانباعان رەجيمگە كىردى. ءبىر ايدان كەيىن بۇل ماسەلە شەشىلىپ, سپۋتنيكتى پايدالانۋ 2011 جىلى توقتاتىلعان بولاتىن.
