بۇل شارانىڭ وتۋىنە تۇركىستان وبلىسى قوعامدىق دامۋ باسقارماسى مەن ادامي الەۋەتتى دامىتۋ باسقارماسى مۇرىندىق بولعان. اشىق اسپان اياسىندا, ساقتىق شارالارىن ساقتاي وتىرىپ وتكىزىلگەن سەمينار-ترەنينگكە 300-گە جۋىق مەكتەپ بەلسەندىلەرى مەن ء"وزىن-ءوزى باسقارۋ" ۇيىمدارىنىڭ كوشباسشىلارى جانە ۇستازدار قاتىستى.
ۇيىمداستىرۋشىلاردىڭ ايتۋىنشا, مۇنداي ترەنينگتى وتكىزۋ جاستاردى ۇزدىكسىز دامۋ مەن قوعامدىق ومىرگە بەيىمدەلۋگە, وي-جيەگىن كەڭەيتىپ, جاۋاپكەرشىلىككە داعدىلاندىرۋعا ىقپال ەتەدى. قازىرگى تاڭدا وبلىس بويىنشا 160 000 استام وقۋشى بولسا, ونىڭ 5256 ء"وزىن-ءوزى باسقارۋ" ۇيىمىنىڭ مۇشەسى, ال 876 وقۋشى كوشباسشى پرەزيدەنتتەرى بولىپ ءجۇر.
ولاردىڭ سانى مەن ساپاسىن الىدە ارتتىرۋدى كوزدەگەن شارانى تۇركىستان وبلىسى ء"وزىن ءوزى باسقارۋ" ۇيىمىنىڭ كوشباسشىسى مەيىربەك انەلى باستاپ, اتالعان ۇيىمنىڭ ەرەجەلەرى مەن جوسپارىن تانىستىردى. سونداي-اق مۇنداي قوعامدىق جۇمىستاردىڭ قالىپتاسۋ جولىنداعى پايدالارىنا توقتالدى.
ءارى قاراي جاس بەلسەندىلەرگە تۇركىستان وبلىسى قوعامدىق دامۋ باسقارماسى "جاستارمەن جۇمىس" ءبولىمىنىڭ باسشىسى سەيدۋللا كەڭەسباي ۇلى "كوشباسشىلىق قابىلەت" تۋرالى ترەنينگ ءوتىپ, ونىڭ ماڭىزدىلىعىن ايتتى.
"قازىرگى قوعام جاستاردان الەۋمەتتىك تانىمى مول, بەلسەندى جانە ساۋاتتى بولۋدى عانا ەمەس, كوشباسشىلىق قابىلەتتى دە تالاپ ەتەدى. كوشباسشى – ۇيىمعا عانا ەمەس, قوعامعا دا ىقپال ەتە الاتىن بولۋى كەرەك. ول ءوزىنىڭ ماقسات-مۇددەسىن تولىق سەزىنىپ, ونى قورعاي ءبىلۋى قاجەت. ال مۇنداي مىنەزدەردى قالىپتاستىرۋ جولىندا ء"وزىن-ءوزى باسقارۋ ۇيىمدارى" مەن وسىنداي ترەنينگتەردىڭ ماڭىزى زور",- دەدى سەيدۋللا كەڭەسباي ۇلى.
ء"وزىن-ءوزى باسقارۋ" ۇيىمدارىنىڭ جۇمىسىن كۇشەيتۋ ماقساتىندا وتكەن شارا تۇركىستان قالاسىنان كەيىن, ورداباسى, تۇلكىباس, تولەبي, قازىعۇرت اۋداندارىندا جالعاسادى. مۇنداي جوبالار جاستاردىڭ ءومىر اعىمدارىنا بوي الدىرماي, سانالى, ساۋاتتى ەڭسەرۋىنە جاعداي جاساۋ ماقساتىندا جۇيەلى تۇردە ۇيىمداستىرىلىپ وتىرۋى قاجەت.
