كەزدەسۋدى اشقان گرەكو پرەزيدەنتى مارين مىرچەلو قازاقستانعا جاڭا 50-ءشى مۇشە رەتىندە قوشەمەت كورسەتتى. ءوز كەزەگىندە ولجاس بەكتەنوۆ وتىرىسقا قاتىسۋشىلارعا ارناپ قۇتتىقتاۋ ءسوز سويلەدى.
گرەكو اياسىنداعى بەلسەندى جۇمىستىڭ ماڭىزدىلىعىن پرەزيدەنت ق. توقاەۆ اعىمداعى جىلعى 19 تامىزدا وتكەن جەمقورلىققا قارسى ءىس-قيمىل جونىندەگى كەڭەس بارىسىندا جانە 1 قىركۇيەكتەگى قازاقستان حالقىنا جولداۋىندا اتاپ ءوتتى.
گرەكو قاتىسۋشى ەلدەردىڭ جەمقورلىققا قارسى تەتىكتەرىن وسى سالاداعى تانىمال حالىقارالىق ستاندارتتارعا سايكەستىگى تۇرعىسىنان ءوزارا مونيتورينگ جۇرگىزۋ ارقىلى جەتىلدىرۋ بويىنشا ءوز ميسسياسىن ىسكە اسىرۋدا. 2021 جىلى ۇسىنىمدار ازىرلەنە وتىرىپ, قازاقستان العاش رەت باعالاتىن بولادى.
وسى بەدەلدى ەۋروپالىق ۇيىمنىڭ ۇسىنىمدارىن ورىنداۋ قازاقستاندا سىبايلاس جەمقورلىققا قارسى ءىس-قيمىلدى جاڭا دەڭگەيگە شىعارۋعا سەرپىن بەرەدى.
گرەكو جۇمىسىنا بەلسەندى قاتىسۋ ەۋروپا كەڭەسىنىڭ جەمقورلىق ءۇشىن قىلمىستىق جاۋاپكەرشىلىك تۋرالى كونۆەنتسياسىن جانە باسقا دا بىرقاتار ماڭىزدى حالىقارالىق شارتتاردى ودان ءارى راتيفيكاتسيالاۋعا مۇمكىندىك بەرەدى.
گرەكو-عا مۇشە بولۋ قىلمىسكەرلەردى ەكستراديتسيالاۋ, شەتەلگە شىعارىلعان اكتيۆتەردى قايتارۋ بولىگىندە شەتەلدىك سەرىكتەستەرمەن ديالوگتى نىعايتادى.
