ولار مەرزىمدى قىزمەتتەگى اسكەري قىزمەتشىلەردىڭ جۇمىس كۇندەرى قالاي ءوتىپ جاتقانىن, اسكەريلەردىڭ تۇرمىسىن ءوز كوزدەرىمەن كورىپ, اسكەري ءبولىمنىڭ تاريحىمەن, جەكە قۇرامنىڭ جاۋىنگەرلىك دايارلىقتاعى جەتىستىكتەرىمەن تانىستى.
قورعانىس مينيسترلىگىنىڭ اسكەري-تەحنيكالىق مەكتەبىندە 24 جاستان 27 جاسقا دەيىنگى, دەنساۋلىق جاعدايى بويىنشا اسكەري قىزمەتكە جارامدى نەمەسە شەكتەۋلى جارامدى, ونىڭ ىشىندە اسكەري قىزمەتكە شاقىرۋدان كەيىنگە قالدىرىلعان ازاماتتار اقىلى نەگىزدە ءبىلىم الادى.
ايتا كەتەيىك, اسكەري دايارلىق اسكەري وقىتىلعان رەزەرۆ باعدارلاماسى بويىنشا جۇزەگە اسىرىلادى. مەرزىمدى اسكەري قىزمەت وتكەرۋگە تەڭەستىرىلەدى. 40 كۇن ىشىندە تاربيەلەنۋشىلەرمەن تاكتيكالىق, اتىس, ساپتىق جانە دەنە شىنىقتىرۋ دايارلىعى بويىنشا ساباقتار وتكىزىلەدى. وقۋدى اياقتاعاننان كەيىن تاربيەلەنۋشىلەر انت قابىلداپ, ولارعا اسكەري بيلەت بەرىلەدى جانە "قاتارداعى جاۋىنگەر" اسكەري اتاعى بەرىلەدى.
