"قازاق تىلىنە دەگەن قىزىعۋشىلىعى ستۋدەنتتىك جىلداردا باستالعان ۋ. گۇرسۋ دوكتورانتۋرا وقىپ جۇرگەندە "تۇرىكشە جانە قازاقشا ماقال-ماتەلدەردىڭ سالىستىرمالى ءاناليزى" اتتى ديسسەرتاتسياسىن قورعاپ شىققان.
قازاق ادەبيەتىنىڭ كورنەكتى وكىلى ماعجان جۇماباەۆتىڭ "پەداگوگيكا" تۋىندىسىنىڭ تۇرىكشەگە اۋدارىلماعانىن بايقاپ, اۋدارما جۇمىستارىنا كىرىسەدى. وسىلايشا تولاعاي ەڭبەكتىڭ جەمىسى - ماعجان جۇماباەۆتىڭ "پەداگوگيكا" اتتى وقۋ قۇرالى جۋىردا تۇرىك وقىرماندارىنا ۇسىنىلدى" دەپ ءمالىم ەتتى قازاقستاننىڭ تۇركياداعى ەلشىلىگى Facebook پاراقشاسىندا.
وقۋ قۇرالى پەداگوگيكانىڭ جالپى ماسەلەلەرىنە ارنالعان. سونداي-اق, كىتاپتا پسيحولوگيا جانە لوگيكا سالالارى تۋرالى دا اقپارات بەرىلگەن. تۋىندىدا پەداگوگيكا ءىلىمى قازاق مادەنيەتى مەن داستۇرلەرىنە سايكەس جازىلعان.
