سقو ۆەتەريناريا باسقارماسىنىڭ باسشىسى بەرىك ءالجانوۆتىڭ ايتۋىنشا, وسى اۋماقتاعى ءۇي قۇستارىنىڭ بارلىعىنا ەكپە جاسالادى. اۋرۋ وشاعى جاڭادان تابىلعان جاعدايدا ول جەردە دە ۆاكتسيناتسيا جۇرگىزىلەدى.
"وبلىستىڭ 11 اۋدانىندا ءۇي قۇسى قىرىلدى. ونىڭ جەتەۋىندە قۇس تۇماۋى راستالدى. ازىرگە 11 ەلدىمەكەنگە كارانتين ەنگىزىلدى. تاعى التى اۋىلدى كارانتينگە جابۋ ماسەلەسى قارالىپ جاتىر. وڭىردە رەسپۋبليكالىق ەپيزووتيالىق جاساق جۇمىس ىستەۋدە. دەزينفەكتسيالىق بوگەتتەردى قويا باستادى. بۇگىن تۇرعىنداردان ولگەن جانە اۋىرعان قۇستاردى الۋ جونىندە ارنايى قاۋلى شىعادى. سودان كەيىن قۇستار الىنىپ, جويىلادى. قۇستاردىڭ كوزىن جويۋ ءۇشىن قوزعالمالى ينسينەراتور كەلدى", دەيدى بەرىك ءالجانوۆ.
ايتا كەتەيىك, بۇگىن ورتالىق كوممۋنيكاتسيالار قىزمەتىندە قر اۋىل شارۋاشىلىعى ءمينيسترىنىڭ ورىنباسارى گۇلميرا يساەۆا باستاعان ءبىر توپ مامان قۇس تۇماۋىنا قاتىستى جۋرناليستەردىڭ سۇراقتارىنا جاۋاپ بەرگەن ەدى.
