ءبىر ساعاتقا سوزىلعان بريفينگ بارىسىندا اۋىل شارۋاشىلىعى ۆيتسە-ءمينيسترى گۇلميرا يساەۆا, ۆەتەريناريالىق باقىلاۋ جانە قاداعالاۋ كوميتەتى توراعاسىنىڭ مىندەتىن اتقارۋشى قىزعالداق جۇباتقانوۆا, مال شارۋاشىلىعى ونىمدەرىن ءوندىرۋ جانە قايتا وڭدەۋ دەپارتامەنتىنىڭ ديرەكتورى ەركەبۇلان احمەتوۆ, ءبىلىم جانە عىلىم مينيسترلىگىنiڭ عىلىم كوميتەتى ۇلتتىق بيوتەحنولوگيا ورتالىعىنىڭ باس ديرەكتورى ەرلان رامانقۇلوۆ, دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ توراعاسى تيمۋر سۇلتانعازيەۆ باق وكىلدەرىنىڭ تولعاندىرعان سۇراقتارىنا جاۋاپ بەردى.
اعىمداعى جىلدىڭ 9-21 قىركۇيەك ارالىعىندا 5 وبلىستا (سقو, اقمولا, قوستاناي, پاۆلودار, قاراعاندى) ءارتۇرلى ءۇي قۇستارىنىڭ 14 315 باسىنىڭ ءولىمى, ونىڭ 11 مىڭنان استامى سولتۇستىك قازاقستان وبلىسىندا تىركەلدى.
اتالعان ايماقتاردا ولگەن قۇستاردان پاتولوگيالىق ماتەريالدار الىنىپ, نۇر-سۇلتان قالاسىنداعى "ۆەتەريناريا بويىنشا ۇلتتىق رەفەرەنتتىك ورتالىققا" جولدانعان. بۇگىندە 4 وبلىستا قۇس تۇماۋى بويىنشا فاكت تىركەلدى. ال قاراعاندى وڭىرىنەن الىنعان سىناماعا ءالى زەرتتەۋ جۇرگىزىلۋدە.
ۆەتەريناريالىق باقىلاۋ جانە قاداعالاۋ كوميتەتى رەسپۋبليكالىق قوردان قوستاناي, پاۆلودار جانە سولتۇستىك قازاقستان وبلىسىندا جوعارى پاتوگەندى قۇس تۇماۋىنا قارسى ۆاكتسينالاردىڭ 1,4 ملن دوزاسىن ءبولدى. ۆاكتسينا وڭىرگە جەتكىزىلىپ, اۋداندار مەن وبلىستارعا تولىق تاراتىلعان. كارانتين اياسىنداعى بارلىق ءىس-شارالار رەسپۋبليكالىق بيۋدجەت ەسەبىنەن جۇرگىزىلەدى.
وتكەن دەمالىستا اۋىل شارۋاشىلىعى ءمينيسترى ساپارحان وماروۆتىڭ تاپسىرماسىمەن ۆيتسە-مينيستر گۋلميرا يساەۆا باستاعان ارنايى توپ سولتۇستىك قازاقستان وڭىرىنە كەلىپ, وبلىستا جوعارى پاتوگەندى قۇس تۇماۋىنىڭ تارالۋىنا جول بەرمەۋ ماقساتىندا جاسالىپ جاتقان كەشەندى شارالاردىڭ بارىسىن تەكسەردى.
بريفينگ بارىسىندا ۆيتسە-مينيستر سقو-عا تاۋەكەلدەردى باعالاۋ جانە قۇس تۇماۋىنىڭ ودان ءارى تارالۋىن بولدىرماۋ ءۇشىن بارلىق ءىس-ارەكەتتەردىڭ دۇرىستىعىنا كوز جەتكىزۋ ءۇشىن ارنايى ساپارى بويىنشا ەسەپ بەردى. ساپار بارىسىندا اشم وكىلدەرى قىرىلعان قۇستىڭ يەلەرىنە وتەماقى تولەۋ بويىنشا جۇمىستى جولعا قويۋ جانە وڭىردە ىندەتكە قارسى جۇمىستى دۇرىس ۇيلەستىرۋ جانە ۆاكتسيناتسيا شارالارىن ۇيىمداستىرۋ, قۇستاردىڭ ولەكسەلەرىن جويۋعا كومەكتەستى.
سونىمەن قاتار ول كوميسسيا وڭىردەگى قۇس فابريكالارىنىڭ باسشىلارىمەن كاسىپورىندار اينالاسىندا "بيولوگيالىق قاۋىپسىز ءارى وقشاۋلانعان" ايماقتار قۇرۋ ماسەلەسى بويىنشا كەلىسسوزدەر جۇرگىزگەنىن حابارلادى. بارلىق قاجەتتى تالاپتار ورىندالعان جاعدايدا ءوڭىردىڭ قۇس فابريكالارى ءوز ونىمدەرىن ەركىن وتكىزۋ قۇقىعىن الا الادى.
اشم وكىلدەرىنىڭ پرەزيدەنت جانىنداعى ورتالىق كوممۋنيكاتسيالار قىزمەتىندە تولىق نۇسقاسىن https://www.youtube.com/watch?v=fY3edBQ3kiA بويىنشا كورە الاسىزدار.
