"الداعى جىلۋ ماۋسىمىنا دايىندالىپ جاتىرمىز. ەڭ الدىمەن مەكتەپ, بالاباقشا, مەديتسينا مەكەمەلەرى cياقتى الەۋمەتتىك نىساندارعا جىلۋ بەرىلەدى. الەۋمەتتىك مەكەمەلەردىڭ عيماراتتارى جىلۋ ماۋسىمىنا تولىق دايىن. سونداي-اق, كوپپاتەرلى تۇرعىن ۇيلەرگە دە جىلۋ بەرىلە باستايدى. جاڭا نىساندارعا قوساتىن جىلۋ كوزدەرىن انىقتادىق, قازىر قۋاتتى تەكسەرىلىپ جاتىر", دەيدى التاي كولگىنوۆ.
سونداي-اق قالا اكىمى جەكە سەكتور تۇرعىندارى ءۇشىن قالانىڭ ءار جەرىندە ورنالاسقان 11 كومىر ساتاتىن ورىن بەلگىلەنگەنىن اتاپ ءوتتى.
الىپ-ساتارلىق پەن تۇسىنبەستىك بولدىرماس ءۇشىن كومىر قويمالارىنا كومىر جەتكىلىكتى مولشەردە اكەلىندى. كومىردىڭ باعاسى مەن ءتۇرى تۋرالى تولىق اقپاراتتى 109 جەلىسىنە حابارلاسىپ ءبىلىپ وتىرۋعا بولادى.
"ەلدى مەكەندەردى گازداندىرۋ جۇمىسى جالعاسىپ جاتىر. ماسەلەن, جەلەزنودوروجنىي ەلدىمەكەنىندە گازبەن جابدىقتايتىن تاراتۋ جەلىلەرى تولىق جۇرگىزىلگەن. پرومىشلەننىيدا, 2-ءشى كوكتالدا 95%, 1-ءشى كوكتالدا جۇمىستار 80%-كە ءبىتىپ تۇر. مۇنداي جۇمىستار اگروگورودوك, وڭتۇستىك-شىعىس تۇرعىن الاپتارىندا دا ءجۇرىپ جاتىر. وسى تۇرعىن الاپتارداعى ۇيلەر, ونىڭ ىشىندە اگروگورودوكتىڭ جارتىسى بيىلعى جىلۋ ماۋسىمىندا گازدى قولدانا الادى. تۇرعىندار ۇيلەرىن گازعا قوسۋعا تەحنيكالىق شارتتار الۋ ءۇشىن فرونت-كەڭسەلەرگە بارۋى كەرەك", دەيدى ەلوردا اكىمى.
بۇدان وزگە, بيىل 1-جەو مەن 2-جەو ءبىر بولىگىن گازعا كوشىرىلەدى. اۋا تەمپەراتۋراسى 5 كۇن شاماسىندا +10 گرادۋس (جانە ودان تومەن) بولىپ تۇرسا, وندا جىلۋ بەرۋ باستالادى.
