ايماقتار • 21 قىركۇيەك، 2020

سولتۇستىك قازاقستاندا تىركەلگەن قۇس تۇماۋى ادامدارعا قاۋىپتى ەمەس

39 رەت كورسەتىلدى

قۇس تۇماۋى ءورشىپ تۇرعان اۋدانداردا ادامداردىڭ جۇقتىرۋ جاعدايى تىركەلمەگەن. بۇل تۋرالى قر دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ توراعاسى تيمۋر سۇلتانعازيەۆ مالىمدەدى، دەپ حابارلايدى Egemen.kz.

بريفينگ سولتۇستىك قازاقستان وبلىسىنداعى قازىرگى ەپيزووتيالىق جاعدايدى تالقىلاۋعا ارنالدى.

"بىردەن ايتا كەتەيىن: ۆيرۋس ادامنان ادامعا تارامايدى. اۋرۋ جۇقتىرعان قۇستاردان ادامداردىڭ قۇس تۇماۋىن جۇقتىرۋ جاعدايى وتە سيرەك كەزدەسەدى. قۇس ەتىنەن نەمەسە جۇمىرتقاسىنان ادامعا ۆيرۋس جۇققان جاعداي مۇلدە تىركەلمەگەن. وسىلايشا بۇگىنگى كۇنى قۇس تۇماۋىن جۇقتىرعان ازاماتتاردىڭ ەلدە تىركەلمەگەنىن ايتۋعا بولادى"، دەدى ول.

قۇس فابريكالارىنىڭ بارلىق قىزمەتكەرلەرى قازىرگى تاڭدا مەديتسينالىق باقىلاۋدا.

سونىمەن قاتار، ت.سۇلتانعازيەۆ بۇل جاعداي كوروناۆيرۋستىق پاندەميامەن بايلانىستى ەمەس ەكەنىن اتاپ ءوتتى.

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار