قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى سالىق زاڭناماسى ءتىج ەنگىزۋدى كوزدەيتىندىگىن حابارلايدى.
ءتىج رەسىمدەۋ جانە رەسىمدەۋ ءتارتىبىن ساقتاۋ نورمالارى سالىق كودەكسىنىڭ 176-بابىمەن, سونداي-اق قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى - قازاقستان رەسپۋبليكاسى قارجى ءمينيسترىنىڭ 2019 جىلعى 26 جەلتوقسانداعى №1424 بۇيرىعىمەن انىقتالادى.
ءتىج - بۇل قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ «ەلەكتروندى شوت-فاكتۋرالار» (ەشف اج) اقپاراتتىق جۇيەسىندە ەلەكتروندى نىساندا رەسىمدەلەتىن تاۋارلارعا ىلەسپە قۇجات.
ءTىج رەسىمدەۋ ءۇشىن حالىققا قىزمەت كورسەتۋ ورتالىقتارىندا الۋعا بولاتىن, ەتسق كومەگىمەن ەلەكتروندىق شوت-فاكتۋرالاردىڭ اقپاراتتىق جۇيەسىن پايدالانۋ تۋرالى كەلىسىمگە قول قويۋ ارقىلى ەسف اج-دا تىركەلۋ قاجەت. ەشف اج-دا تىركەلۋ جانە جۇمىس اقىسىز جۇزەگە اسىرىلاتىنىن ايتا كەتۋ كەرەك.
ءتىج اكتسيزدەلەتىن تاۋارلاردى وتكىزۋ جانە ساتۋ كەزىندە, دۇنيەجۇزىلىك ساۋدا ۇيىمىنىڭ الىپ قويۋ تىزبەسىنەن تاۋارلاردى (تاۋارلاردىڭ اتالعان تىزبەسىمەن ەۋرازيالىق ەكونوميكالىق كوميسسيا كەڭەسىنىڭ 2015 جىلعى 14 قازانداعى №59 شەشىمىندە تانىسۋعا بولادى) جانە ولارعا ەلەكتروندى شوت-فاكتۋرالار ۆيرتۋالدى قويما ءمودۋلى ارقىلى جازىپ بەرىلەتىن تاۋارلاردى (تاۋارلاردىڭ اتالعان تىزبەسىمەن قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى - قازاقستان رەسپۋبليكاسى قارجى ءمينيسترىنىڭ 2019 جىلعى 23 ساۋىردەگى №384 بۇيرىعىندا تانىسۋعا بولادى) ساتۋ كەزىندە رەسىمدەۋگە جاتادى. سونداي-اق, ءTىج ەكسپورتتىق-يمپورتتىق وپەراتسيالار كەزىندە رەسىمدەۋگە جاتادى.
ءتىج-نى رەسىمدەۋ بويىنشا مىندەتتەمەلەردى كەزەڭ-كەزەڭىمەن 2021 جىلدىڭ 1 جارتىجىلدىعىندا ەنگىزۋ جوسپارلانىپ وتىر. سونىمەن بىرگە, 2020 جىلعى 1 قاراشادان باستاپ ءتىج رەسىمدەۋدىڭ پيلوتتىق جوباسىن ىسكە قوسۋ جوسپارلانۋدا.
پيلوتتىق جوبا سالىق تولەۋشىلەردىڭ ءTىج-مەن جۇمىس ىستەۋگە بەيىمدەلۋى, وزدەرىنىڭ ەسەپ جۇيەسىن جانە جەتكىزۋشىلەرمەن جانە ساتىپ الۋشىلارمەن ءوزارا ءىس-قيمىلدى جولعا قويۋ ءۇشىن ارنالعان.
ءتىج رەسىمدەۋ بويىنشا سۇراقتار مەن ۇسىنىستاردى مىناداي ەلەكتروندى مەكەن-جايعا:
snt@mgd.kz – ادىستەمەلىك سيپاتتاعى ماسەلەلەر بويىنشا;
esfsd@mgd.kz – تەحنيكالىق سيپاتتاعى ماسەلەلەر بويىنشا جولداۋعا بولادى.
