"اقپاراتتىق جۇيە قۇرۋ ءۇشىن بولىنگەن 500 ملن تەڭگەدەن استام قاراجاتتى تالان-تاراجعا سالۋ كۇدىگىنە ىلىنگەن بۇرىنعى دەنساۋلىق ساقتاۋ ۆيتسە-ءمينيسترى ولجاس ابىشەۆكە قاتىستى تەرگەۋ جالعاسىپ جاتىر. سوت سانكتسياسىمەن ول تۇتقىنعا الىندى, تەرگەۋ جالعاسىپ جاتىر", دەدى ول ورتالىق كوممۋنيكاتسيالار قىزمەتىندەگى ءباسپاسوز ءماسليحاتى بارىسىندا.
ەسكە سالا كەتسەك, بۇدان بۇرىن قازاقستان رەسپۋبليكاسى قارجى مينيسترلىگىنىڭ قارجى مونيتورينگى كوميتەتى دەنساۋلىق ساقتاۋ ۆيتسە-ءمينيسترى ولجاس ابىشەۆتىڭ قاماۋعا الىنعانىن راستاعان بولاتىن. ول بيۋدجەت قاراجاتىن جىمقىردى دەگەن كۇدىككە ءىلىندى.
سونىمەن قاتار, قر دەنساۋلىق ساقتاۋ ءمينيسترى الەكسەي تسوي ۆەدومستۆونىڭ ۆيتسە-ءمينيسترى ولجاس ابىشەۆتىڭ قاماۋعا الىنۋىنا قاتىستى پىكىر ءبىلدىردى. ايتا كەتسەك, ولجاس ابىشەۆ 2018 جىلى دەنساۋلىق ساقتاۋ ۆيتسە-ءمينيسترى بولىپ تاعايىندالعان.
