قازاقستان • 21 قىركۇيەك، 2020

قازاقستاندىق جوو 33 تۇلەگى "سامۇرىق – قازىنا" ۇاق اق-نا جۇمىسقا ورانالاستى

25 رەت كورسەتىلدى

"تسيفرلىق جاز 2020" باعدارلاماسىنىڭ قورىتىندىسى بويىنشا اعىمداعى جىلدىڭ 1 شىلدە مەن 28 تامىز ارالىعىندا 36 تۇلەك تاعىلىمدامادان ءساتتى ءوتتى، 2021 جىلى ۋنيۆەرسيتەتتە وقۋىن اياقتاعاننان كەيىن  33 تۇلەك "سامۇرىق-قازىنا" قورىنىڭ كومپانيالار توبىندا جۇمىس ىستەۋ مۇمكىندىگىن قاراستىرۋدا. قازىرگى كارانتينگە بايلانىستى باعدارلاما ونلاين فورماتتا ءوتتى، دەپ حابارلايدى Egemen.kz

"تسيفرلىق جاز"  باعدارلاماسى قازاقستاندىق جوعارى وقۋ ورىندارىنىڭ باكالاۆريات جانە ماگيستراتۋرا ستۋدەنتتەرىنە "سامۇرىق-قازىنا" ۇاق" اق پورتفەلدىك كومپانيالارىندا، ونىڭ ىشىندە "قازمۇنايگاز"، "قازاقستان تەمىر جولى"، "قازپوشتا"، "سامۇرىق-ەنەرگو"، "قازاقتەلەكوم" جانە ت.ب. كومپانيالاردا 2 ايلىق تاعىلىمدامادان وتۋگە مۇمكىندىك بەرەدى. 2018 جىلى جوبا ىسكە قوسىلعان ساتتەن باستاپ قوردىڭ كومپانيالار توبىنا 43 جاس مامان جۇمىسقا ورنالاستىرىلدى.

وسىلايشا، بيىل تاعىلىمدامادان وتۋشىلەر "قتج" ۇك" اق ەنشىلەس كومپانيالارىندا جۇقتىرۋ سانى بويىنشا چات-بوتتى ازىرلەۋ جونىندەگى جوباعا، "سامۇرىق-ەنەرگو" اق-دا ەنەرگيا ءوندىرۋ جۇكتەمەسى بويىنشا پروتسەستى اۆتوماتتاندىرۋ جونىندەگى "SE Monitoring" جوباسىنا، سونداي-اق "قازاقويل اقتوبە" جشس-دا "مۇنايشى كۇنى" ءىس-شاراسىن ازىرلەۋ سياقتى ءىرى جوبالارعا بەلسەندى قاتىستى. 

ايتا كەتەيىك، ءاربىر قاتىسۋشىعا كومپانيا قىزمەتكەرلەرى قاتارىنان جەكە تالىمگەر بەكىتىلگەن.

ءوز كەزەگىندە، جوبالىق توپ تاعىلىمداما قورىتىندىسى بويىنشا جىل سايىنعى "Summer HACK 2020"  حاكاتونىن ونلاين رەجيمدە وتكىزدى. حاكاتون بارىسىندا ونلاين-الاڭداردى پايدالانۋدان باستاپ، ءار كوماندانىڭ ونلاين-تالىمگەرلىگىنە دەيىنگى بارلىق تەحنيكالىق مۇمكىندىكتەر ىسكە قوسىلدى. وسىلايشا، قاتىسۋشىلار "سامۇرىق-قازىنا" قورى كومپانيالار توبىنىڭ ناقتى بيزنەس مىندەتتەرىن شەشتى.

ەستەرىڭىزگە سالا كەتەيىك، قوردىڭ باسقارما توراعاسى احمەتجان ەسىموۆ "تسيفرلى جاز"  باعدارلاماسىنا وڭ باعا بەردى، ول قوردىڭ كومپانيالار توبىنا جاس جانە تالانتتى مامانداردى ىرىكتەۋگە مۇمكىندىك بەرەدى. وسى باعدارلامانىڭ بىرەگەي ەرەكشەلىكتەرىنىڭ ءبىرى SAP، Microsoft، Cisco، IBM سياقتى كومپانيالاردان جانە "سامۇرىق-قازىنا" كورپوراتيۆتىك ۋنيۆەرسيتەتىنەن hard-skills جانە soft-skills بويىنشا وقىتۋ بولىپ تابىلادى.

 

سوڭعى جاڭالىقتار

اقتوبەدە اباي ەسكەرتكىشى اشىلدى

ايماقتار • بۇگىن، 23:00

نامىسىن تۋ ەتكەن

رۋحانيات • بۇگىن، 22:18

كوروناۆيرۋستان قالاي قورعانامىز؟

كوروناۆيرۋس • بۇگىن، 21:33

تاراز قالاسىندا نان قىمباتتاعان

ايماقتار • بۇگىن، 19:15

جوعالعان بالا 12 ساعاتتا تابىلدى

ايماقتار • بۇگىن، 14:38

ۇقساس جاڭالىقتار