ايماقتار • 21 قىركۇيەك، 2020

جاركەنتتە اۋرۋحاناعا وتتەگى ستانساسى ورناتىلادى

31 رەت كورسەتىلدى

الماتى وبلىسىنىڭ جاركەنت قالاسىنداعى اۋرۋحاناعا وتتەگى ستانساسى ورناتىلادى، دەپ حابارلايدى Egemen.kz

"جالپى قۇنى 76 ملن تەڭگەنى قۇرايتىن جوبا قازان ايىندا ىسكە قوسىلماق. قازىر ستانسانى ورناتۋ جۇمىستارى باستالدى. 320 ورىنعا ارنالعان ورتالىق اۋرۋحانا جانىنان اشىلاتىن وتتەگى ستانساسىنان ءبىر مەزەتتە 50 نۇكتەدەن وتتەگى تولتىرىلادى"، دەپ حابارلايدى پانفيلوۆ اۋدانى اكىمىنىڭ ءباسپاسوز قىزمەتى.

"الماتىدان اۋىر باللونداردى تاسيتىنبىز. ەندى بۇل ماسەلە دە شەشىلدى. بۇدان بولەك وسى پاندەميا كەزىندە ءبىزدىڭ ورتالىق اۋرۋحاناعا كاسىپكەرلەر مەن قايىرىمدى ازاماتتار وننان استام وتتەگى كونتسەنتراتىن، باسقا دا قاجەتتى مەديتسينالىق جابدىقتاردى تارتۋ ەتتى. مەملەكەت تاراپىنان دا قاجەتتى كومەك كورسەتىلۋدە. ءبىز ىندەتتىڭ ىقتيمال ەكىنشى تولقىنا تولىقتاي دايىن"، دەيدى باس دارىگەر. 

ورتالىق اۋرۋحانانىڭ باس دارىگەرى تولەۋ سارپەكوۆتىڭ ايتۋىنشا، ستانتسيا ساعاتىنا 50 مەتر كۋبقا دەيىن وتتەگى قۇيادى. سونداي-اق 120 ناۋقاسقا ءبىر ۋاقىتتا قاجەتتى وتتەگى بەرىلەدى. 

پاندەميا باستالعالى پانفيلوۆ اۋدانىندا 139 ادام ىندەتكە شالدىققان. قازىر اتالعان ادامدار تولىقتاي جازىلىپ، وڭىردە سانيتارلىق ساقتاندىرۋ جۇمىستارى جۇرگىزىلىپ جاتىر.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار