ءبىلىم • 21 قىركۇيەك، 2020

NU تۇلەكتەرى قازاقستاندىق وقۋشىلاردىڭ ساباعىنا كومەكتەسەدى

36 رەت كورسەتىلدى

نازارباەۆ ۋنيۆەرسيتەتىنىڭ تۇلەكتەرى مەكتەپ وقۋشىلارىنا وقۋدا كومەكتەسەدى. "NU Alumni" تۇلەكتەر قاۋىمداستىعى ءبىلىم بەرۋدەگى تالىمگەرلىك بويىنشا "E-Tutor" الەۋمەتتىك جوباسىن ىسكە قوسادى، دەپ حابارلايدى  Egemen.kz.

جوبا اياسىندا نۋ تۇلەكتەرى مەن ستۋدەنتتەرى قاتارىنان كۋراتورلار ۆولونتەرلىق نەگىزدە 5-11 سىنىپ وقۋشىلارىنا بىرقاتار پاندەر بويىنشا مەكتەپ باعدارلاماسىن مەڭگەرۋگە كومەكتەسەتىن بولادى. وقۋشىلاردى ىرىكتەۋ كەزىندە ەڭ الدىمەن مەديتسينا قىزمەتكەرلەرىنىڭ وتباسى مۇشەلەرىنە، سونداي-اق كوپ بالالى وتباسىلار مەن حالىقتىڭ الەۋمەتتىك وسال توپتارىنا جاتاتىن وتباسىلاردان شىققان بالالارعا باسىمدىق بەرىلەتىن بولادى.

"E-Tutor" جوباسى - بۇل ۆيرتۋالدى الاڭ، وندا وقۋشىلار پاندەردى مەڭگەرۋدە كومەك الىپ قانا قويماي، روبوت تەحنيكاسى، ينفورماتيكا جانە باعدارلامالاۋ بويىنشا ۇيىرمەلەرگە جازىلا الادى. سونداي-اق، مەنتورلارمەن بىرگە بالالار وليمپيادالارعا دايىندالىپ، ەمتيحانداردى، سونى ىشىندە IELTS جانە SAT-ءتى دە  تاپسىرا الادى.

ء"بىزدىڭ جوبا قازاقستاندىق وقۋشىلاردىڭ الەمدىك ءبىلىم بەرۋ كەڭىستىگىندەگى باسەكەگە قابىلەتتىلىگىن ارتتىرۋعا جاردەمدەسۋ ءۇشىن ويلاستىرىلعان. بۇگىنگى تاڭدا ءبىزدىڭ جوبامىز ەلوردانىڭ بىرنەشە مەكتەبىن عانا قامتيدى، بىراق بولاشاقتا ەلىمىزدىڭ ءار وڭىرىنەن كەلگەن بالالاردى وقۋدا قولداۋ ارقىلى ونىڭ گەوگرافياسىن كەڭەيتۋدى جوسپارلاپ وتىرمىز"، دەدى "NU Alumni" قوعامدىق بىرلەستىگىنىڭ اتقارۋشى ديرەكتورى ارمان قوڭقاباي.

ساباقتى وقۋشىنىڭ تاڭداۋىنا بايلانىستى قازاق، اعىلشىن جانە ورىس تىلدەرىندە وتكىزۋ جوسپارلانۋدا. ءار وقۋشى 3 پانگە دەيىن تاڭداي الادى، ول بويىنشا كۋراتور اپتا سايىن 45 مينۋتتان ونلاين-سەسسيا وتكىزەدى. بارلىق ءبىلىم بەرۋ ماتەريالدارى: ونلاين-ساباقتاردىڭ جازبالارى، ادىستەمەلىك انىقتامالىقتار، وقۋلىقتار، ەمتيحاندارعا دايىندىق بويىنشا ۇسىنىمدار جانە ت.ب. جوبانىڭ ارنايى سايتىندا ورنالاستىرىلاتىن بولادى.

بۇل جوبا مەنى قىزىقتىرادى جانە  قازىر مەن رەسەيدە جۇمىس ىستەپ جۇرگەنىمە قاراماستان، ونى قولداۋعا بەل بۋدىم. ونىڭ ۇستىنە، بارلىق جۇمىس ونلاين-فورماتتا جۇرگىزىلەتىن بولادى. ءبىزدىڭ جوسپارىمىزدا - ءبىلىم الۋشىلارمەن ونلاين-كونفەرەنتسيالار وتكىزۋ جانە كۋراتورلار، وقۋشىلار جانە ولاردىڭ اتا-انالارى اراسىندا وقىتۋ پروتسەسى بويىنشا تۇراقتى كەرى بايلانىستى قامتاماسىز ەتۋ، – دەپ اتاپ ءوتتى جوبانىڭ قاتىسۋشىسى، ماسكەۋدەگى GeoSteering Technologies كومپانياسىندا گەومەحانيك- ينجەنەر بولىپ جۇمىس ىستەيتىن نۋ تۇلەگى تەمىرلان جەكەنوۆ.

بۇگىنگى كۇنى جوباعا ىرىكتەۋدىڭ بارلىق تالاپ ەتىلەتىن كەزەڭدەرىنەن وتكەن 69 كۋراتور-تۇلەكتەر قاتىسۋعا نيەت ءبىلدىردى. نۋ تۇلەكتەرىنەن وتىنىمدەردىڭ ءتۇسۋى جالعاسۋدا.

سوڭعى جاڭالىقتار

ساقتانساڭ – ساۋ بولارسىڭ

ايماقتار • بۇگىن، 23:00

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار