اليك شپەكباەۆ برازيليا فەدەراتيۆتىك رەسپۋبليكاسىنىڭ توتەنشە جانە وكىلەتتى ەلشىسى رۋبەم انتونيو كوررەا باربوزامەن كەزدەسىپ، قازاقستاندا جۇرگىزىلىپ جاتقان جەمقورلىققا قارسى رەفورمالاردى تالقىلادى. كەزدەسۋ بارىسىندا ساياسي جاڭعىرتۋعا، پارلامەنتاريزمدى دامىتۋ مەن مەملەكەت باسشىسىنىڭ جولداۋىندا ايتىلعان باستامالارعا ەرەكشە نازار اۋدارىلدى.

سونداي-اق، برازيليا ەلشىسىنە حالىقارالىق ستاندارتتاردى ەنگىزۋ بويىنشا، سونىڭ ىشىندە سىبايلاس جەمقورلىق فاكتىلەرى تۋرالى حابارلاعان ادامداردى قورعاۋدىڭ كەشەندى جۇيەسىن قالىپتاستىرۋ، مەملەكەتتىك قىزمەتشىلەر مەن ولاردىڭ جۇبايلارى ءۇشىن شەتەلدىك يۋريسديكتسيالارداعى اكتيۆتەردى يەلەنۋگە تىيىم سالۋ، زاڭسىز بايۋ ءۇشىن جاۋاپكەرشىلىك ەنگىزۋ جونىندەگى انتيكور قابىلداعان شارالار تۋرالى اقپارات بەرىلدى.

ءوز كەزەگىندە كوررەا باربوزا مىرزا اگەنتتىككە كەلۋىنىڭ ەلشى بولىپ تاعايىندالعان كەزدەن باستاپ قازاقستاندا العاش رەت مەملەكەتتىك ورگانعا اياق باسۋى ەكەنىن اتاپ ءوتىپ، ءوز ەلىنىڭ سىبايلاس جەمقورلىققا قارسى ساياساتىنىڭ ينستيتۋتسيونالدىق نەگىزدەرى تۋرالى ەگجەي-تەگجەيلى ايتىپ بەردى.

برازيليانىڭ سىبايلاس جەمقورلىققا قارسى ءىس-قيمىل جۇيەسىنە 5 نەگىزگى سۋبەكت كىرەدى: باس باقىلاۋشى، فەدەرالدى پوليتسيا، فەدەرالدى ەسەپ پالاتاسى، قوعامدىق مينيسترلىك جانە قارجىلىق قىزمەتتى باقىلاۋ كەڭەسى.

الەمگە ايگىلى "اشىقتىق پورتالى" رەسمي مەملەكەتتىك رەسۋرسى قازاقستان تاراپىنىڭ ەرەكشە قىزىعۋشىلىعىن تۋدىردى. وندا فەدەرالدىق بيۋدجەت پەن شتاتتار بيۋدجەتتەرى شىعىستارىنىڭ باپتارى، ەلدىڭ ساياساتكەرلەرى مەن شەنەۋنىكتەرىنىڭ دەكلاراتسيالارى، سونداي-اق ازاماتتار مەن باق-تى قىزىقتىراتىن بىرقاتار وزگە قارجىلىق اقپارات ورنالاستىرىلعان. ەلشىنىڭ ايتۋىنشا، پورتال بيۋدجەت قاراجاتىنىڭ جۇمسالۋىن قوعامدىق باقىلاۋدىڭ قۋاتتى قۇرالىنا اينالدى جانە ونىڭ ارقاسىندا مەملەكەتتىك اپپاراتتىڭ شىعىستارى 25% - عا قىسقاردى. رەسۋرس مۇمكىندىكتەرىنىڭ مىسالى رەتىندە ەلشى مىرزا ءتىپتى ونىڭ جالاقىسى وسى رەسۋرستا ورنالاستىرىلعانىن اتاپ ءوتتى.

كەزدەسۋ سوڭىندا تاراپتار قۇزىرەتتى ورگاندارمەن قوسا، ودان ءارى ىنتىماقتاستىق تۋرالى جانە سىبايلاس جەمقورلىققا قارسى ءىس-قيمىلدا ءوزارا قولداۋ كورسەتۋ تۋرالى ۋاعدالاستى.