رۋحانيات • 19 قىركۇيەك، 2020

قازاقى يتتەردى ۇلتتىق سپورتقا يكەمدەۋ قاجەت

56 رەت كورسەتىلدى

مادەنيەت جانە سپورت مينيسترلىگى قازاقى تازى مەن توبەتتىڭ تۇقىمىن ساقتاپ، ولاردىڭ سانى مەن ساپاسىن ارتتىرا وتىرىپ، بولاشاقتا بۇلاردى ۇلتتىق سپورت باعىتىنا قاراي يكەمدەۋ ماقساتىندا، وسى سالاعا قاتىستى قوعامدىق ۇيىمدارمەن بىرلەسىپ، جىل سوڭىنا دەيىن كەشەندى جۇمىس جۇرگىزۋدى قولعا الدى، دەپ حابارلايدى Egemen.kz.

ەلىمىزدە قازىرگى تاڭدا «تازى-توبەت-ءبورىباسار» قوعامدىق ۇيىمىنىڭ رەسمي ەمەس دەرەكتەرىنە سۇيەنسەك، 40 مىڭنان استام تازى مەن توبەت بار ەكەن. نەگىزگى جۇمىس وسى قۇرىلىمدى اككرەديتاتسيالاۋ ماسەلەسى. بۇل شارا تولىق ىسكە اسقان جاعدايدا فەدەراتسيا زاڭدى تۇردە اتقارۋشى ورگاندارمەن بىرلەسە جۇمىستى جاساپ، سپورت مەكتەپتەرىندە سەكتسيالار اشۋعا، جاتتىقتىرۋشىلار مەن تورەشىلەردىڭ بىلىكتىلىگىن ارتتىرۋعا، ىشكى چەمپيونات نەمەسە باسقا دا حالىقارالىق تۋرنيرلەردى وتكىزۋگە مۇمكىندىك الادى ەكەن.

جوعارىداعى ماسەلە بويىنشا وتكەن اپتادا مەملەكەتتىك قۇرىلىمدار جانە قوعامدىق ۇيىمداردىڭ قاتىسۋىمەن ونلاين جينالىس ۇيىمداستىرىلىپ، باس قوسۋعا قاتىسقان تاراپتار الداعى جۇمىستار تۋرالى وي ءبولىستى. سپورت جانە دەنە شىنىقتىرۋ ىستەرى كوميتەتى توراعاسى مىندەتىن اتقارۋشى سەرىك جاراسباەۆتىڭ ايتۋىنشا، بۇگىنگى تاڭدا قازاقتىڭ تازىسى مەن توبەتىن ساقتاپ، ولاردىڭ سانىن ارتتىرۋ وتە ماڭىزدى كورىنەدى.

«ۇلتتىق سپورت جاناشىرلارى وڭىرلەردە تازى مەن توبەت ۇستايدى. الايدا، باستى پروبلەما بۇگىنگى جاعدايعا ساي كەلەتىن رەسمي دەرەكتەردىڭ جوقتىعى. ءبىزدىڭ ۆەدومستۆو اتالعان ماسەلە بويىنشا جۇمىستى باستاپ كەتتى. ارنايى ۇيىم فەدەراتسيانى اككرەديتتەۋ بويىنشا قۇجاتتاردى جيناپ، يتبەگىلىك ونەردى سپورت ءتۇرى رەتىندە مويىنداتۋ جولىندا جۇمىس ءجۇرىپ جاتىر» دەدى سەرىك مارات ۇلى.

سونداي-اق جانۋارلارعا قاتىستى جاۋاپكەرشىلىكتى كۇشەيتەتىن زاڭ جوباسى دا جاسالىپ جاتقان كورىنەدى. وسى قۇجات نەگىزىندە مەملەكەت جانۋارلارعا قاتىستى زاڭدىق شارانى جەتىلدىرىپ، سونىمەن قاتار دالا جانۋارلارىن دا قورعاۋدىڭ تىڭ تەتىكتەرىن كۇشەيتپەك كورىنەدى.

 

 

سوڭعى جاڭالىقتار

ۇقساس جاڭالىقتار