ايماقتار • 18 قىركۇيەك، 2020

ورالدا "اتا جولى" ميستيكالىق ءدىني اعىمىنىڭ مۇشەلەرى ۇستالدى

26 رەت كورسەتىلدى

كولىك پوليتسەيلەرى تىيىم سالىنعان "اتا جولى" وككۋلتتى - ميستيكالىق ءدىني اعىمىنىڭ مۇشەلەرىن ۇستاپ، ايىپپۇل سالدى، دەپ حابارلايدى Egemen.kz

"14 قىركۇيەكتە ورال ستانتسياسىنداعى جەلىلىك پوليتسيا بولىمىنە تىركەلمەگەن "اتا جولى" قاۋىمداستىعىندا تۇراتىن ءبىر توپ ادام ورال ستانتسياسىنان "ورال-الماتى" جولاۋشىلار پويىزىمەن جولعا شىعاتىنى تۋرالى جاسىرىن حابارلاما كەلىپ ءتۇستى» دەپ اتاپ ءوتتى كولىكتەگى پوليتسيا دەپارتامەنتىنىڭ باستىعى وڭال بەكەەۆ.

ونىڭ ايتۋىنشا، تۇسكەن اقپاراتتى تەكسەرۋ بارىسىندا كولىك پوليتسەيلەرى باتىس قازاقستان وبلىسى پوليتسيا دەپارتامەنتىنىڭ قىزمەتكەرلەرىمەن، سونداي-اق بقو بويىنشا ءدىن ىستەرى باسقارماسىنىڭ وكىلدەرىمەن بىرلەسىپ، ورال قالاسىنىڭ 4 تۇرعىنىن ۇستاعان.

ولار - 41، 45، 47 جانە 50 جاستا. "ۇستالعاندارعا قاتىستى قر اقبتك 489-بابى 9 جانە 10-تارماقتارى بويىنشا، ياعني، قازاقستان رەسپۋبليكاسىنىڭ قوعامدىق بiرلەستiكتەر تۋرالى زاڭناماسىن بۇزعانى، سونداي-اق قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تىركەلمەگەن قوعامدىق، دiني بiرلەستiكتەردiڭ قىزمەتىنە باسشىلىق جاساعانى، قاتىسقانى، ولاردىڭ قىزمەتiن قارجىلاندىرعانى ءۇشىن اكىمشىلىك حاتتاما تولتىرىلدى جانە 50 جانە 100 اەك مولشەرىندە اكىمشىلىك ايىپپۇل سالىندى"، دەپ اتاپ ءوتتى و.بەكەەۆ.

"اتا جولى" ۇيىمىنا 2009 جىلدان باستاپ قازاقستان اۋماعىندا رەسمي تىيىم سالىنعان. سوعان قاراماستان بۇل ۇيىم قىزمەتىن جاسىرىن جالعاستىرۋدا. ازاماتتاردى ساق بولىپ، جالعان ءدىني اعىمداردىڭ قۋلىعىنا بوي الدىرماۋدى سۇرايمىز" دەپ تۇيىندەدى پوليتسيا پولكوۆنيگى.

 

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار