"جەدەل-ىزدەستىرۋ ءىس-شارالارىن جۇرگىزۋ كەزىندە الماتى پوليتسياسى اسا قاتىگەزدىكپەن كىسى ءولتىردى دەگەن كۇدىكپەن 67 جاستاعى ەر ادامدى ۇستادى. ول سوڭعى جىلدارى الماتى ماڭىندا جاسىرىنىپ جۇرگەن. بەلارۋس پوليتسياسىنىڭ حابارلاۋىنشا, ول 1996 جىلدان باستاپ ادام ءولتىردى دەگەن كۇدىكپەن ىزدەۋدە بولدى. بەلارۋس رەسپۋبليكاسى قىلمىستىق كودەكسىنىڭ 100-بابى, 2-بولىگى بويىنشا قىلمىستىق ءىس بويىنشا قىلمىستىق جاۋاپكەرشىلىككە تارتىلادى. كۇدىكتى ءوز ەلىندە بۇزاقىلىق ءۇشىن جانە ادام دەنساۋلىعىنا اۋىر زيان كەلتىرگەنى ءۇشىن ەكى رەت سوتتالعان. قازىرگى ۋاقىتتا ول الماتى قالالىق پد ۋاقىتشا ۇستاۋ يزولياتورىنا قامالدى. كوپ ۇزاماي بەلارۋس رەسپۋبليكاسىنىڭ مينسك قالاسىنا ەكستراديتسيالانىپ, جەرگىلىكتى سوت الدىندا جاۋاپ بەرەدى", دەدى الماتى قالالىق پد كريمينالدىق پوليتسيا باسقارماسىنىڭ باستىعى ەركىن ىڭكاروۆ.
