دارىگەر ميكروتيا دياگنوزىمەن تۋعان بالالارعا كومەكتەسپەك. ميكروتيا – قۇلاق قالقانىنىڭ دامىماي قالۋى نەمەسە مۇلدە بولماۋى 8000-10 000 بالانىڭ اراسىندا 1 بالادا كەزدەسەدى.
"قازاقستاندا وسى دياگنوزبەن تۋعان بالالار وتە كوپ. بىراق ولارعا ەشقانداي كومەك كورسەتىلمەيدى. مەن ولاردىڭ قۇلاعىنا رەكونستۋركتسيالىق وتا جاسايمىن. قۇلاق قالقانىن بالانىڭ ءوز قابىرعا ەتىنەن جاساپ بەرەمىن. وتا 6 ساعاتقا سوزىلادى. بۇنداي وتالار امەريكادا 100 مىڭ دوللار, ەۋروپادا – 60-70 مىڭ دوللار تۇرادى. بىزدە قاجەتتى ليتسەنزيالار بارلىعى بار. بىزدەگى وتا قۇنى 14 مىڭ اقش دوللارى بولادى", دەدى دارىگەر.
قازىر ارترەزيا (قۇلاق كانالىنىڭ جوق بولۋى) جانە ميكروتيا دياگنوزى بار قازاقستانداعى بالالار شەتەلدە ەمدەلۋگە ءماجبۇر.
2018 جىلعى مالىمەتكە سايكەس, قازاقستاندا وسىنداي دياگنوزبەن 600 بالا ءومىر ءسۇرىپ جاتىر. ولاردىڭ ءبىرازىنىڭ ءبىر جاق قۇلاعى عانا ەستيدى. قر دسم كوميسسياسى 66 بالانى شەتەلگە ەمدەلۋگە جىبەرگەن.
