بۇل اسىرەسە بىلىمگە, ادامي كاپيتال ساپاسىنا جانە ەلدىڭ الەۋمەتتىك-ەكونوميكالىق دامۋىنا تەرىس اسەرىن تيگىزۋدە. وسى تۇرعىدا ساراپشىلار بۇل ىندەتتى وسكەلەڭ ۇرپاقتىڭ بولاشاعىنا قاۋىپ توندىرەدى دەپ سانايدى. ولار مەكتەپ وقۋشىلارى اراسىندا عانا ەمەس, ستۋدەنتتەر اراسىندا دا فۋنكتسيونالدىق ساۋاتسىزدىق دەڭگەيىنىڭ جوعارىلاۋى مۇمكىن دەپ بولجايدى.
مەملەكەت باسشىسى ق.ق.توقاەۆتىڭ قازاقستان حالقىنا جولداۋىندا جوعارى ءبىلىم بەرۋدىڭ ساپاسىن اتاپ ءوتىپ, ۇكىمەت باسشىسىنا بىزگە جاڭا كوزقاراس پەن جاڭا تاسىلدەر كەرەكتىگىن ايتىپ, حالىقارالىق تاجىريبەگە سۇيەنىپ, ماسەلەنى ەرەكشە باقىلاۋعا الۋدى تاپسىردى.
بۇگىنگى تاڭدا قازاقستاندىق ءبىلىم بەرۋ سالاسىنىڭ قارقىن الا باستاعانىن شەت ەلدەگى ستۋدەنتتەردىڭ ءبىزدىڭ ەلگە كەلىپ وقىعانىنان بايقاۋعا بولادى.
وسى رەتتە اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى تاكير بالىقباەۆ ءوز قازاقستان وقىپ جاتقان ستۋدەنتتەر جايلى ويىن العا تارتا كەلىپ:
– بىزدە «سوربوننا ينستيتۋتى - قازاقستان» اتتى قىزىقتى جوبا بار, ونى 2014 جىلى نۇرسۇلتان نازارباەۆ پەن فرانسۋا وللاند قۇردى. بۇل فرانتسۋز تىلىندە ءبىلىم بەرۋدى قامتيتىن ەكى ديپلومدى وقۋ باعدارلاماسى. ءبىز بىرنەشە باعدارلامالار جاسادىق جانە 2018 جىلى العاشقى ستۋدەنتتەر كونگودان, سودان كەيىن ماداگاسكاردان كەلدى. بۇل ستۋدەنتتەردىڭ بىزگە قالاي كەلگەنى مەن ءۇشىن تاڭقالارلىق بولدى. تالداۋ جاساعان كەيىن ولاردىڭ بىزگە ەلىمىزگە فرانتسۋز ءتىلىن ۇيرەنۋ ءۇشىن كەلگەنىن ءتۇسىندىم. بىزدە وقىتۋدىڭ ارالاس ءتۇرى بار - ءبىر بولىگى ورىس تىلىندە, ءبىر بولىگى فرانتسۋز تىلىندە. ولار قازاقستانعا كەلىپ ءتىل ۇيرەندى. ءبىز تالداۋعا تەرەڭ بويلاپ, ءبىزدىڭ ۋنيۆەرسيتەت فرانكوفونيا ەلدەرى ءۇشىن قىزىعۋشىلىق تۋدىرۋى مۇمكىن ەكەنىن تۇسىندىك. فرانتسيامەن سالىستىرعاندا بىزدە قولجەتىمدى ءبىلىم مەن جاتاقحانادا تۇرۋعا جاعداي جاسالعان. بار. ەكىنشى جاعىنان, ستۋدەنتتەر قوس ديپلوم الادى. قازىر بىزدە ماروككو, كونگو, تۋنيس, ماداگاسكاردان ستۋدەنتتەر بار. مەن بۇل ستۋدەنتتەردىڭ كەيبىرى فرانتسۋز تىلىنەن ساباق بەرىپ, قاراجات تاۋىپ جۇرگەندەرىن كوردىم, - دەيدى.
كوروناۆيرۋستىق پاندەمياعا بايلانىستى الەمدەگى مەكتەپ وقۋشىلارى مەن ستۋدەنتتەردىڭ باسىم كوپشىلىگى قاشىقتىقتان وقىتۋعا كوشتى. بۇل وقۋ مازمۇنىن تۇبەگەيلى وزگەرتتى.
– قاشىقتىقتان ءبىلىم بەرۋ جاعدايىندا ءبىلىم بەرۋ ۇدەرىسى ءبىلىم الۋشىنىڭ جەكە باسىنا, ماقسات-مۇددەلەرىنە, ءبىلىم دەڭگەيلەرىنە, داعدىلارى مەن قابىلەتتەرىنە باعىتتىلىعى تۋرالى كوپ ايتىلادى. الەمدەگى كوپتەگەن ۋنيۆەرسيتەتتەر بۇنى ماڭىزدى مىندەتتەردىڭ قاتارىنا قوستى. وسىعان سايكەس, ساپانى قامتاماسىز ەتۋ جۇيەسىندە ۋنيۆەرسيتەت بۇل باعىتتى قولدايدى جانە ستۋدەنتتەرگە باعدارلانۋدى ماڭىزدى قۇندىلىقتاردىڭ ءبىرى رەتىندە قارايدى. ستۋدەنتتەردى تاربيەلەۋ, وقىتۋ جانە كەز-كەلگەن باسقا بايلانىستى ساقتاۋ ءپرينتسيپى وقۋشىمەن جۇمىس جاساۋدا باستى ۇستانىم بولۋى كەرەك, - دەيدى قازۇپۋ قىزمەتكەرلەرى.
