بارلىعىمىز بىلەتىندەي, اۋا رايىنىڭ سالقىنداۋىنا بايلانىستى كۇز جانە قىس مەزگىلدەرىندە جرۆي جانە باسقا ينفەكتسيالىق اۋرۋلاردى جۇقتىرۋ قاۋپى جوعارى. اسىرەسە ءدال قازىرگىدەي بۇكىل الەمدىك پاندەميالىق جاعدايدا دەنساۋلىقتى كۇتىپ, يممۋنيتەتتى كوتەرۋ ماڭىزدى. مۇنداي جاعدايدا تازا اۋادا تىنىستاپ, جاتتىعۋلار جاساپ, جامان ادەتتەردەن ارىلۋ ارقىلى اعزامىزعا كومەكتەسە الامىز. سالاۋاتتى ءومىر سالتىن ساقتاپ, كۇندەلىكتى تولىققاندى 7-8 ساعاتتىق ۇيقى جانە ەموتسيونالدى تىنىشتىقتى قامتاماسىز ەتۋ دە ماڭىزدى. سونىمەن قاتار ميكروەلەمەنتتەر مەن ۆيتاميندەرگە باي تاعامداردى تۇتىنۋ ارقىلى قىسقا ۋاقىت ىشىندە اعزانىڭ رەزەرۆتىك كۇشىن جوعارىلاتىپ, ءار ءتۇرلى ينفەكتسيالارعا قارسى تۇرۋ قابىلەتىن كۇشەيتۋگە بولادى.
دارىگەردىڭ ايتۋىنشا, يممۋنيتەتتى نىعايتۋ ءۇشىن ا, ۆ, س, د, ە دارۋمەندەرى قاجەت. كەيبىر دارۋمەندەردى اعزانىڭ ءوزى تۇزۋگە قابىلەتتى, مىسالى D دارۋمەنى كۇن ساۋلەسىنىڭ اسەرىنەن ءبىزدىڭ تەرىمىزدە تۇزىلەدى.
ء"بىز تۇراتىن نۇر-سۇلتان قالاسىندا جىل بويىنا اۋا رايىنىڭ سالقىندىعىنا بايلانىستى, كۇن ساۋلەسىنىڭ ءتۇسۋى وتە از. سول سەبەپتى ەلوردا حالقىندا D دارۋمەنىنىڭ جەتكىلىكسىز بولۋى زاڭدى نارسە. ءتىپتى, بىزگە كەلەتىن 5 ناۋقاستىڭ 2-ەۋىندە د دارۋمەنى جەتكىلىكسىزدىگى كەزدەسەدى دەسەك بولادى", دەيدى شولپان ورازالى.
دەگەنمەن, اۋەلى ورگانيزمگە قانداي دارۋمەندەر قاجەت ەكەندىگىن انىقتاپ الۋ كەرەك. دارىگەر ول ءۇشىن ەمحاناعا بارىپ, ارنايى اناليزدەردى تاپسىرعان دۇرىس ەكەنىن اتاپ ءوتتى.
"ياعني دارىگەردىڭ كەڭەسىنە جۇگىنۋ ارقىلى قانداي دارۋمەندى جانە قانشا مولشەردە ءىشۋ كەرەكتىگىن بىلەتىن بولاسىز. ەگەر دە وزدىگىنەن الامىن دەسەڭىز, وندا ءوزىڭىزدىڭ جاس ەرەكشەلىگىڭىزدى, تاماقتانۋ راتسيونىڭىزدى ەسكەرۋ قاجەت. مىسالى, قازىر ديەتادا بولساڭىز, وندا قانداي دارۋمەندەرگە مۇقتاج ەكەندىگىڭىزدى ەسكەرگەن ءجون. سونىمەن قاتار دارۋمەندەردى تاڭداۋدا سەنىمدى, حالىقارالىق دارەجەدە تەكسەرىلگەن, مەديتسينالىق ساراپتامالار مەن زەرتتەۋلەردەن وتكەن فارماتسەۆتيكالىق كومپانيالار وندىرەتىن دارۋمەندەردى تۇتىنعان دۇرىس", دەپ ءتۇسىندىردى شولپان ورازالى.
سونداي-اق دارىگەردىڭ ايتۋىنشا, دۇرىس تاماقتانۋ دا يممۋنيتەتتى نىعايتۋدا كوپ پايداسىن تيگىزەدى. كوكونىستەر, جەمىستەر, ەت, ءسۇت, جاڭعاقتار, بوتقا - قاجەتتى ميكروەلەمەنتتەرگە باي ازىق-ت ۇلىكتەر.
