قازاقستان • 18 قىركۇيەك، 2020

ەلىمىزدىڭ مەديتسينالىق مەكەمەلەرىنە قاجەتتى جابدىقتار جەتكىزىلدى

21 رەت كورسەتىلدى

"Samruk-Kazyna Trust" الەۋمەتتىك جوبالاردى دامىتۋ قورى وڭىرلىك ەمدەۋ مەكەمەلەرىن ءوجج اپپاراتتارى، وتتەگى كونتسەنتراتورلارى، سونداي-اق پۋلسوكسيمەترلەر سياقتى اسا قاجەتتى مەديتسينالىق اپپاراتتارمەن جابدىقتادى، دەپ حابارلايدى Egemen.kz.

دەنساۋلىق ساقتاۋ قىزمەتكەرلەرىنىڭ ايتۋىنشا، كوروناۆيرۋستىق ينفەكتسيا مەن پنەۆمونيامەن اۋىراتىن ناۋقاستارعا جەدەل كومەك كورسەتۋ ءۇشىن اتالعان جابدىقتار ايتارلىقتاي سۇرانىسقا يە.

"سامۇرىق-قازىنا" اق مەن دەنساۋلىق ساقتاۋ مينيسترلىگى اراسىنداعى ىنتىماقتاستىق تۋرالى مەموراندۋم اياسىندا جالپى سانى 2 050 جابدىق پەن 100 جەدەل جاردەم ماشيناسى ساتىپ الىندى. مۇنىڭ بارلىعى دەنساۋلىق ساقتاۋ مينيسترلىگىنەن الىنعان اقپاراتقا جانە جەرگىلىكتى اتقارۋشى ورگانداردىڭ سۇرانىستارىنا سايكەس وڭىرلەر اراسىندا بولىنگەن.

"كوروناۆيرۋستىق ينفەكتسيانىڭ جاڭا تولقىنىنا ىقپال ەتۋ جانە ءبىزدىڭ دارىگەرلەردىڭ جۇمىسىن جەڭىلدەتۋ ءۇشىن ەلىمىزدىڭ مەديتسينالىق مەكەمەلەرى قاجەتتى جابدىقتارمەن قامتاماسىز ەتىلدى. ەندى دارىگەرلەردە اۋرۋدىڭ جاڭا ءورشۋىنىڭ الدىن الۋ ءۇشىن قوسىمشا رەسۋرستار بار"، - دەدى "Samruk-Kazyna Trust" قورىنىڭ رەسمي وكىلى ميراس ىرگەباەۆ.

ءوز كەزەگىندە باتىس قازاقستان وبلىستىق كوپسالالى اۋرۋحاناسىنىڭ ديرەكتورى ارمان بايدەۋوۆ "سامۇرىق-قازىنا" اق مەن "Samruk-Kazyna Trust" قورىنىڭ دەر كەزىندە كومەك كورسەتكەنىن اتاپ ءوتتى.

د

"جاڭا جابدىقتار كوروناۆيرۋسپەن كۇرەستە وبلىستىق كوپ سالالى اۋرۋحانا ءۇشىن جاقسى قولداۋ بولدى. توتەنشە جاعداي جانە كارانتين كەزەڭىندە اۋرۋحانانىڭ جۇقپالى اۋرۋلار بولىمىندە 1600-1700 ادام ەمدەلىپ شىقتى. ورتاق كۇش-جىگەرىمىزبەن ءبىز ساراپشىلار ايتىپ وتىرعان اۋرۋدىڭ ەكىنشى تولقىنىنا مۇقيات دايىندالا الامىز دەپ ۇمىتتەنەمىز. سونىمەن قاتار بۇل قۇرىلعىلار اۋرۋلاردى ەمدەۋدە قوسىمشا جابدىقتى قاجەت ەتەتىن باسقا اۋرۋلارى بار پاتسيەنتتەرگە كومەكتەسەدى"، دەدى ول.

ايتا كەتەيىك، بيىل ناۋرىز ايىندا ەڭبەك جانە حالىقتى الەۋمەتتىك قورعاۋ مينيسترلىگى، دەنساۋلىق ساقتاۋ مينيسترلىگى، سونداي-اق ىشكى ىستەر مينيسترلىگى قور بولگەن 450 ملن تەڭگە قاراجات ەسەبىنەن قورعانىس ماسكالارىن ساتىپ الدى.

شل

سونىمەن قاتار قور AutoMag-96 قۇرالىن ساتىپ الۋعا كومەكتەستى، وسىلايشا نۇر-سۇلتان قالاسىنىڭ ەمحانالارىنا قىزمەت كورسەتەتىن ۇلتتىق عىلىمي مەديتسينالىق ورتالىق كلينيكاسىنىڭ پتر زەرتحاناسىنىڭ ونىمدىلىگىن ارتتىردى.

قور مەن دەنساۋلىق ساقتاۋ مينيسترلىگىنىڭ ءوزارا قارىم-قاتىناسى اياسىندا كومپانيا قاراجاتى ەسەبىنەن 100 جەدەل جاردەم ماشيناسى، 1000 وتتەگى كونتسەنتراتورى، 50 وكپەنى جاساندى جەلدەتۋ اپپاراتى، 1000 پۋلسوكسيمەتر جانە ۆيرۋسقا قارسى 3000 "اۆيفاۆير" پرەپاراتى ساتىپ الىندى.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار