ۇكىمەت • 17 قىركۇيەك، 2020

ۇكىمەتتە مۇگەدەك جانداردى الەۋمەتتىك قورعاۋ ماسەلەسى تالقىلاندى

801 رەت كورسەتىلدى

پرەمەر-ءمينيستردىڭ ورىنباسارى ەرالى توعجانوۆتىڭ توراعالىعىمەن ونلاين-رەجيمدە مۇگەدەكتەردى الەۋمەتتىك قورعاۋ سالاسىن جاقسارتۋ ماسەلەسى بويىنشا ۇيلەستىرۋ كەڭەسى ءوتتى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

كەڭەسكە قر پارلامەنت ءماجىلىسىنىڭ دەپۋتاتتارى، ورتالىق مەملەكەتتىك ورگانداردىڭ وكىلدەرى، وبلىس اكىمدەرىنىڭ ورىنباسارلارى، ۇكىمەتتىك ەمەس ۇيىمداردىڭ جانە قوعامدىق بىرلەستىكتەردىڭ وكىلدەرى، بالا قۇقىقتارى جونىندەگى ۋاكىل قاتىستى.

"بۇگىنگى كۇنى ۇيلەستىرۋ كەڭەسىنىڭ مۇشەلەرىنىڭ 80% جاڭارتىلعان جاڭا قۇرامىندا جينالدى. العاش رەت ۇيلەستىرۋ كەڭەسىنىڭ 10 مۇشەسى نەمەسە 25%-ى ينتەرنەت-داۋىس بەرۋ ارقىلى سايلاندى. داۋىس بەرۋگە 22 مىڭنان استام ادام قاتىستى. بۇل ءتيىستى ماسەلەگە قوعامنىڭ زور قىزىعۋشىلىعى بارىن تاعى ءبىر مارتە دالەلدەدى"، دەدى ۇيلەستىرۋ كەڭەسىنىڭ وتىرىسىنىڭ جۇمىسىن اشقان ەرالى توعجانوۆ.

ۆيتسە-پرەمەر ۇكىمەت تاراپىنان بيىل مۇگەدەك جانداردى الەۋمەتتىك قورعاۋعا 435 ملرد تەڭگە بولىنگەنىن، كەلەسى جىلى قارجىلاندىرۋ 457 ملرد تەڭگەگە دەيىن ارتاتىنىن اتاپ ءوتتى.

ورتالىق مەملەكەتتىك ورگانداردىڭ باسشىلارى "مۇگەدەك ادامداردىڭ ءومىر ءسۇرۋ ساپاسىن جاقسارتۋ جانە قۇقىعىن قامتاماسىز ەتۋ جونىندەگى 2025 جىلعا دەيىنگى ۇلتتىق جوسپاردىڭ" ىسكە اسىرىلۋ بارىسى تۋرالى باياندادى.

ەڭبەك جانە حالىقتى الەۋمەتتىك قورعاۋ ءمينيسترى بىرجان نۇرىمبەتوۆتىڭ ايتۋىنشا، مۇگەدەكتەر ءۇشىن كاسىپتى تاڭداۋدىڭ شەكتەۋلى بولۋىنا بايلانىستى، قازاقستاندا العاش رەت بۇۇ دب-مەن بىرلەسىپ مۇمكىندىكتەرى شەكتەۋلى جاندارعا ارنالعان كاسىپتەر اتلاسىن ازىرلەۋ بويىنشا جوبا جۇزەگە اسىرىلۋدا. بۇل جۇمىس بەرۋشىلەرگە، جۇمىسپەن قامتۋ ورتالىقتارىنا جانە HR سالاسىنداعى جەكە اگەنتتىكتەرگە شەكتەۋ تۇرىنە بايلانىستى ادامدارعا قولايلى بوس جۇمىس ورىندارىن ۇسىنۋعا مۇمكىندىك بەرەدى.

1

سونداي-اق وتىرىستا ەڭبەك جانە حالىقتى الەۋمەتتىك قورعاۋ مينيسترلىگى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە ازاماتتاردىڭ جەكەلەگەن ساناتتارىن الەۋمەتتىك قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسىن تانىستىردى.

زاڭ جوباسى "حالىق ۇنىنە قۇلاق اساتىن مەملەكەت" تۇجىرىمداماسى اياسىندا، مۇگەدەك ادامداردى قولداۋ شارالارىن كۇشەيتۋ ماقساتىندا ازىرلەندى.

وتىرىس سوڭىندا ەرالى توعجانوۆ ورتالىق مەملەكەتتىك جانە جەرگىلىكتى اتقارۋشى ورگاندارعا ۇلتتىق جوسپاردىڭ ۋاقتىلى جانە ساپالى ورىندالۋىن، سونداي-اق زاڭ جوباسىن ازىرلەۋدە قوعام پىكىرىنىڭ دە ەسكەرىلۋىن قامتاماسىز ەتۋدى تاپسىردى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار