كوروناۆيرۋس ىندەتى − ءسان الەمىندەگى جاڭا ترەندتىڭ اتريبۋتىنا اينالدى. Louis Vuitton برەندى ترەندتەن قالىس قالماي, 960 دوللار تۇراتىن قورعانىس ماسكاسىن نارىققا شىعاردى. الايدا جەلى قولدانۋشىلارى ماسكانى شامادان تىس قىمبات جانە ۆيرۋستان قورعاي المايدى دەپ سىنعا الدى.
LV Shield قورعانىستىق ماسكاسى كەلبەتىڭىزگە تەك جاڭاشا بەينە بەرە الادى. بىراق ۆيرۋستان قورعاي المايدى. برەندتى قاجەت بولسا, قالپاقشا رەتىندە دە كيۋگە بولادى دەيدى برەند يەسى. بۇكىل الەم بويىنشا ءونىمدى 30 قازاندا Louis Vuitton دۇكەندەرىنەن تابۋعا بولادى.
Twitter قولدانۋشىسى LV Shield قورعانىستىق ماسكاسىن ساتىپ العان ادامنىڭ نە باي, نە سونشالىقتى اقىماق بولۋ كەرەكتىگىن العا تارتتى.
ەسكە سالايىق, بۇعان دەيىن تانىمال برەند قىمبات ماسكالاردىڭ باسقا دا نۇسقالارىن شىعارعان.
