مەديتسينا • 17 قىركۇيەك، 2020

الماتىدا تەلەمەديتسينا ورتالىعى اشىلدى

17 رەت كورسەتىلدى

الماتىدا كوروناۆيرۋستىڭ جاڭا تولقىنىنا دايىندىق اياسىندا تەلەمەديتسينا ورتالىعى قۇرىلدى، دەپ حابارلايدى Egemen.kz

وڭىرلىك كوممۋنيكاتسيالار قىزمەتىنىڭ الاڭىندا وتكەن ونلاين-بريفينگ بارىسىندا الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ كوروناۆيرۋستىڭ ەكىنشى تولقىنىنا دايىندىق اياسىندا جاسالىپ جاتقان شارالار تۋرالى ايتتى.

ەندى الماتىلىقتار مەديتسينالىق كەڭەستى تەلەمەديتسينا كومەگىمەن الا الادى. ول ءۇشىن الماتىدا تەلەمەديتسينا ورتالىعى قۇرىلدى. ك.نادىروۆتىڭ ايتۋىنشا، اتالعان ورتالىقتىڭ مىندەتى - COVID-19 ۆيرۋسى بولۋى ىقتيمال جانە راستالعان جاعدايلارى بار ناۋقاستارعا كەڭەس بەرۋ جانە مونيتورينگ جۇرگىزۋ.

"بۇل COVID-19 ۆيرۋسىن ەمدەۋ بويىنشا بىرەگەي قىزمەت بولىپ وتىر. ول ءۇشىن مەديتسينالىق اقپاراتتىق جۇيەلەرمەن ينتەگراتسيالاناتىن باعدارلاما ازىرلەنۋدە. تەلەمەديتسينا ورتالىعىنىڭ دارىگەرى بەينەكەڭەس جۇرگىزەدى، ناۋقاستىڭ جاعدايىن باعالايدى، ەم تاعايىنداپ، ناۋقاستىڭ ەلەكتروندىق كارتاسىنا وزگەرىستەر ەنگىزىپ وتىرادى. بۇل سونىمەن قاتار بارلىق COVID-19 جاعدايلارىنىڭ بىرىڭعاي ەلەكتروندىق بازاسى بولادى"، دەپ ءتۇسىندىردى ك.نادىروۆ.

سونداي-اق، وسى ورتالىقتىڭ ماڭىزدى فۋنكتسيالارىنىڭ ءبىرى – ناۋقاستاردىڭ كارانتين رەجيمىن ساقتاۋىن باقىلاۋ. ورتالىق قىزمەتكەرلەرى امبۋلاتوريالىق دەڭگەيدە ەم الىپ جاتقان ناۋقاستارعا بەينەقوڭىراۋ شالىپ تۇرادى.

ء"ۇي رەجيمىنىڭ بۇزىلۋى انىقتالعان جاعدايدا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ اۋماقتىق دەپارتامەنتىنە ءتيىستى سيگنال بەرىلەدى، ودان ءارى قالالىق باس مەملەكەتتىك سانيتار دارىگەرىنىڭ قاۋلىسىنا ساي ءتارتىپ بۇزۋشىعا ايىپپۇل جازىلادى. ءتارتىپتى ورەسكەل بۇزۋشىلار قالا ەمحانالارىنىڭ بىرىنە ءماجبۇرلى تۇردە جاتقىزىلادى. بۇل - وتە ماڭىزدى جايت، ويتكەنى ءبىزدىڭ مىندەتىمىز - قالادا ينفەكتسيانىڭ تارالۋ قاۋپىن بارىنشا تومەندەتۋ"، دەيدى باسقارما باسشىسى.

 

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار