كوروناۆيرۋس • 17 قىركۇيەك، 2020

الماز شارمان: ەپيدەميانىڭ ەكىنشى تولقىنىن جەڭىپ شىعۋ وزىمىزگە بايلانىستى

99 رەت كورسەتىلدى

ەۋروپا مەن ازيا ەلدەرىندە ىندەت قايتادان ءورشي باستادى. بۇل تۋرالى بۇگىن الماتى قالاسىنىڭ وڭىرلىك كوممۋنيكاتسيالار قىزمەتى الاڭىندا وتكەن ونلاين-سۇحبات بارىسىندا پروفەسسور الماز شارمان مالىمدەدى، دەپ حابارلايدى Egemen.kz

الماتى قالاسىنىڭ وڭىرلىك كوممۋنيكاتسيالار قىزمەتى الاڭىندا وتكەن ونلاين-سۇحبات بارىسىندا قازاقستاننىڭ پروفيلاكتيكالىق مەديتسينا اكادەمياسىنىڭ پرەزيدەنتى الماز شارمان الەمدەگى كوروناۆيرۋس پاندەمياسىنىڭ ەكىنشى تولقىنى تۋرالى ايتىپ، الماتىلىقتاردى سانيتارلىق-ەپيدەميالىق تالاپتاردى ساقتاۋعا شاقىردى. پروفەسسور ايتقانداي، پاندەميا ءار ۋاقىتتا ءار ەلدە ءار ءتۇرلى كورىنىس تاپتى.

"ىندەتتى ءساتتى جەڭىپ شىققان جاڭا زەلانديا، موڭعوليا، وڭتۇستىك كورەيا، سينگاپۋر سياقتى ەلدەر بار. بىراق يتاليا، يسپانيا، امەريكا قۇراما شتاتتارى سياقتى كەي ەلدەردە ءولىم مەن اۋرۋدىڭ جوعارى دەڭگەيدە بولدى"، دەدى الماز شارمان.

ونىڭ ايتۋىنشا، بۇل وڭتۇستىك جارتى شارداعى ارگەنتينا، چيلي، وڭتۇستىك افريكا، اۆستراليا سياقتى ەلدەردەگى جاعداي. ولار قىس مەزگىلىنەن امان ءوتىپ، كوكتەم مەزگىلى باستالىپ جاتىر.

سونىمەن بىرگە پروفەسسور ادامزات قازىر "Covid-19-دەن كەيىنگى جاعداي" جاڭا فەنومەنىمەن بەتپە-بەت كەلىپ جاتقانىن قوسا كەتتى. كوروناۆيرۋسپەن اۋىرعان ناۋقاستاردا ءبىراز ۋاقىتتان كەيىن باسقا اسقىنۋلار پايدا بولادى. بۇل السىزدىك، سوزىلمالى شارشاۋ سيندرومى، نەۆرولوگيالىق، جۇرەك جانە باسقا بەلگىلەر بولاتىنىن ايتىپ ءوتتى.

"بۇكىل الەم دارىگەرلەرى وتە ماڭىزدى، كەڭ اۋقىمدى پروبلەمالارعا تاپ بولدى. سوندىقتان كۇزگى-قىسقى ماۋسىمدا جانە بولۋى مۇمكىن كوروناۆيرۋستىڭ ەكىنشى تولقىنىن ادامدار مۇنىڭ ءبارىن بايىپتى قابىلداۋى كەرەك. جاڭا ىندەتتەر ەۋروپا مەن ازيانىڭ ءارتۇرلى ەلدەرىندە پايدا بولادى. بۇل كۇزگى كەزەڭگە، كۇننىڭ سالقىنداۋىنا بايلانىستى. قازىر كوپ نارسە ءبىزدىڭ ءوزىمىزدى قالاي ۇستايتىنىمىزعا بايلانىستى. ءبىز اراقاشىقتىقتى ساقتاپ، بەتپەردە تاعىپ، جالپى گيگيەنا ەرەجەلەرىن ساقتاۋدى جالعاستىرامىز. سوندىقتان ەگەر قازاقستاندا ەپيدەميانىڭ ەكىنشى تولقىنى بولاتىن بولسا، ونىڭ قانشالىقتى قاۋىپتى بولاتىنى تىكەلەي وزىمىزگە بايلانىستى بولماق"، دەدى الماز شارمان.

ەسكە سالا كەتەيىك، 2020 جىلدىڭ 1 تامىزىنان باستاپ جالپى اۋىرعانداردىڭ سانى – 30 337-گە جەتسە، ونىڭ 335-ءى ءولىم جاعدايىمەن اياقتالدى. ال ىندەتتەن ايىعىپ شىققانداردان 26 478-ءدى قۇرايدى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار