2013 جىلعى 15 تامىز , استانا قالاسى
مەملەكەت كەپىلدىك بەرگەن زاڭ كومەگىن كورسەتۋ تۋرالى كەلىسىمنىڭ نىسانىن بەكىتۋ تۋرالى
«مەملەكەت كەپىلدىك بەرگەن زاڭ كومەگى تۋرالى» قازاقستان رەسپۋبليكاسى زاڭىنىڭ 13-بابىنىڭ 4-تارماعىنا سايكەس, بۇيىرامىن:
1. قوسا بەرىلىپ وتىرعان مەملەكەت كەپىلدىك بەرگەن زاڭ كومەگىن كورسەتۋ تۋرالى كەلىسىمنىڭ نىسانى بەكىتىلسىن.
2. قازاقستان رەسپۋبليكاسى ادىلەت مينيسترلىگىنىڭ تىركەۋ قىزمەتى جانە قۇقىقتىق كومەك كورسەتۋ كوميتەتى:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ بۇقارالىق اقپارات قۇرالدارىندا رەسمي جاريالانۋىن;
3) وسى بۇيرىقتىڭ قازاقستان رەسپۋبليكاسى ادىلەت مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ادىلەت ۆيتسە-ءمينيسترى د.ر. قۇسداۋلەتوۆكە جانە قازاقستان رەسپۋبليكاسى ادىلەت مينيسترلىگىنىڭ تىركەۋ قىزمەتى جانە قۇقىقتىق كومەك كورسەتۋ كوميتەتىنىڭ توراعاسى ب.ش. ابىشەۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ب. يماشەۆ.
قازاقستان رەسپۋبليكاسى ادىلەت ءمينيسترىنىڭ
2013 جىلعى 15 تامىزداعى № 273 بۇيرىعىمەن بەكىتىلدى
نىسان
مەملەكەت كەپىلدىك بەرگەن زاڭ كومەگىن كورسەتۋ تۋرالى
كەلىسىم
_________________ «__» _____________20___ج.
جاساعان جەرى
ادۆوكات _______________________________________________________,
(تەگى, اتى, اكەسىنىڭ اتى بار بولعان جاعدايدا)
____________________________________________________________________,
(ادۆوكاتتىق قىزمەتتى ۇيىمداستىرۋ نىسانى)
ادۆوكاتتىق قىزمەتپەن اينالىسۋعا
_____________________________________________________ ليتسەنزياسى بار ,
(ليتسەنزيانىڭ ءنومىرى جانە بەرىلگەن كۇنى)
___________________________________________________________ادۆوكاتتار
(ادۆوكاتتار القاسىنىڭ اتاۋى)
القاسىنا مۇشە بولىپ تابىلاتىن, ادۆوكاتتار القاسنىڭ پرەزيديۋمى بەكىتكەن مەملەكەت كەپىلدىك بەرگەن زاڭ كومەگىن كورسەتۋ جۇيەسىنە قاتىسۋشى ادۆوكاتتاردىڭ تىزىمىنە ەنگىزىلگەن, ءبىر جاعىنان بۇدان ءارى «ادۆوكات», دەپ اتالاتىن جانە
________________________________________________________________
اۋماقتىق ادىلەت دەپارتامەنتى قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا جانە تارتىپپەن بيۋدجەتتىك قاراجات ەسەبىنەن مەملەكەت كەپىلدىك بەرگەن زاڭ كومەگىن الۋعا قۇقىعى بار ازاماتتاردىڭ مۇددەلەرىنە وراي ءىس-ارەكەت ەتۋشى, ەكىنشى جاعىنان بۇدان ءارى «اكىمشى» دەپ اتالاتىن,
_______________________________________________________________
(ادىلەت ورگانىنىڭ وسى كەلىسىمگە قول قويۋعا ۋاكىلەتتى وكىلىنىڭ تەگى, اتى, اكەسىنىڭ اتى بار بولعان جاعدايدا)
ارقىلى, «مەملەكەت كەپىلدىك بەرگەن زاڭ كومەگى تۋرالى» قازاقستان رەسپۋبليكاسى زاڭىنىڭ (بۇدان ءارى - زاڭ) 13-بابىنىڭ 4-تارماعىن باسشىلىققا الا وتىرىپ, تومەندەگىلەر تۋرالى وسى كەلىسىمدى جاسادى:
1. ادۆوكات مەملەكەت كەپىلدىك بەرگەن زاڭ كومەگىنىڭ مىنا تۇرلەرىن كورسەتۋدى:
1) «ادۆوكاتتىق قىزمەت تۋرالى» قازاقستان رەسپۋبليكاسى زاڭىنىڭ 6-بابىنىڭ 1-تارماعىندا تىزبەلەنگەن ادامدارعا اۋىزشا جانە جازباشا قۇقىقتىق كونسۋلتاتسيا بەرۋدى;
2) «ادۆوكاتتىق قىزمەت تۋرالى» قازاقستان رەسپۋبليكاسى زاڭىنىڭ 6-بابىنىڭ 1-تارماعىندا تىزبەلەنگەن ادامدارعا وتىنىشتەر, شاعىمدار, قولداۋحاتتار مەن قۇقىقتىق سيپاتتاعى باسقا دا قۇجاتتار جازىپ بەرۋدى;
3) قازاقستان رەسپۋبليكاسىنىڭ قىلمىستىق ءىس جۇرگىزۋ كودەكسىندە كوزدەلگەن جاعدايلاردا جانە تارتىپپەن قىلمىستىق ىستەر بويىنشا تەرگەۋ, انىقتاۋ ورگاندارىندا جانە سوتتاردا ازاماتتاردىڭ مۇددەلەرىن قورعاۋدى جانە ءبىلدىرۋدى;
4) قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىندە كوزدەلگەن جاعدايلاردا جانە تارتىپپەن سوتتاردا جانە اكىمشىلىك قۇقىق بۇزۋشىلىقتى قاراۋعا ۋاكىلەتتى ورگانداردا (لاۋازىمدى ادامداردا) ازاماتتاردىڭ قۇقىقتارى مەن مۇددەلەرىن قورعاۋدى;
5) قازاقستان رەسپۋبليكاسىنىڭ ازاماتتىق ءىس جۇرگىزۋ كودەكسىندە كوزدەلگەن جاعدايلاردا جانە تارتىپپەن ازاماتتىق ىستەر بويىنشا سوتتاردا ازاماتتاردىڭ مۇددەلەرىن ءبىلدىرۋدى مىندەتتەرىنە الادى.
مەملەكەت كەپىلدىك بەرگەن زاڭ كومەگى ازاماتقا تەگىن كورسەتىلەدى
ادۆوكاتىڭ كورسەتەتىن زاڭ كومەگىنە اقى تولەۋ جانە قورعاۋ مەن وكىلدىك ەتۋگە بايلانىستى شىعىستاردى رەسپۋبليكالىق بيۋدجەت قاراجاتى ەسەبىنەن وتەلەدى.
2. بىلىكتى زاڭ كومەگىن كورسەتۋ ءۇشىن ادۆوكات:
1) قازاقستان رەسپۋبليكاسىنىڭ زاڭناماسىندا بەلگىلەنگەن ءىس جۇرگىزۋ وكىلەتتىكتەرىن پايدالانۋعا;
2) ازاماتتاردىڭ قۇقىقتارىن, بوستاندىقتارى مەن زاڭدى مۇددەلەرىن قامتاماسىز ەتۋگە باعىتتالعان ءىس جۇزىندەگى ءمان-جايلاردى انىقتاۋ بويىنشا زاڭمەن تىيىم سالىنباعان كەز كەلگەن ءىس-ارەكەتتى ورىنداۋعا;
3) ءوزiنiڭ كاسiبىن مiندەتتەرiن ورىنداعان كەزدە ادۆوكاتتىڭ كاسiبي مiنەز-ق ۇلىق نورمالارىن ۇستانۋعا;
3. ادۆوكات قۇجاتتاردى, ماتەريالداردى, وزگە دە مالىمەتتەردى قوسا العاندا, ازاماتتارعا تولىق بىلىكتى زاڭ كومەگىن كورسەتۋگە قاجەتتى اقپاراتتى تابىس ەتپەۋدەن نەمەسە جاسىرۋدان وسى كەلىسىم شارتتارىنىڭ ورىندالماۋىنا, سونداي-اق ازاماتتاردىڭ شىندىققا ساي كەلمەيتىن (ونىڭ ىشىندە قۇجاتتالعان) اقپاراتتى تابىس ەتۋىنە بايلانىستى سالدارلارعا جاۋاپتى بولمايدى.
4. ادۆوكات مەملەكەت كەپىلدىك بەرگەن زاڭ كومەگىن قۇقىقتىق كەڭەس بەرۋ تۇرىمەن مىناداي شارتتاردىڭ ءبىرى بولعان:
1) ارىز بەرۋشى قازاقستان رەسپۋبليكاسىنىڭ «مەملەكەت كەپىلدىك بەرگەن زاڭ كومەگى تۋرالى» زاڭىنىڭ 8-بابىنىڭ 2-تارماعىندا كوزدەلگەن مەملەكەت كەپىلدىك بەرگەن زاڭ كومەگىن الۋعا قۇقىعى بار ادامدار ساناتىنا جاتپايتىن بولعان;
2) ارىز بەرۋشى ءوتىنىشىنىڭ قۇقىقتىق سيپاتى بولماعان جاعدايدا, قۇقىقتىق كونسۋلتاتسيا بەرۋ تۇرىندەگى مەملەكەت كەپىلدىك بەرگەن زاڭ كومەگىن كورسەتۋدەن باس تارتۋعا قۇقىلى.
5. اكىمشى ادۆوكاتتىڭ زاڭ كومەگىن كورسەتۋىنە اقى تولەۋگە جانە قورعاۋ مەن وكىلدىك ەتۋىنە بايلانىستى شىعىستاردى وتەۋگە ادۆوكات مۇشەسى بولىپ تابىلاتىن ادۆوكاتتار القاسىنىڭ ەسەبىنە بيۋدجەتتىك قاراجاتىن ۋاقىتىلى اۋدارۋعا مىندەتتەنەدى.
6. وسى كەلىسىم ەكى دانادا جاسالدى ء(اربىر تاراپتار ءۇشىن), قول قويىلعان كەزدەن باستاپ كۇشىنە ەنەدى جانە كەلەسى جىلدىڭ 31 قاڭتارىنا دەيىن قولدانىلادى.
وسى كەلىسىمنىڭ كۋالاندىرىلعان كوشىرمەسىن اكىمشى ادۆوكات مۇشەسى بولىپ تابىلاتىن ادۆوكاتتار القاسىنىڭ تورالقاسىنا مالىمەت ءۇشىن جىبەرەدى.
اكىمشى: ادۆوكات:
___________(________________) ___________(________________)
(قولى, تەگى اتى-ءجونى) (قولى, تەگى, اتى-ءجونى)
__________________________________________________________________________
مەكەنجايى, پوشتالىق يندەكسى ادۆوكاتتار القاسىنىڭ اتاۋى,
____________________________________ ____________________________________
اكىمشىنىڭ بانكتىك دەرەكتەمەلەرى ادۆوكاتتار القاسىنىڭ بانكتىك دەرەكتەمەلەرى
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 19 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8632 بولىپ ەنگىزىلدى.
