فۋتبول • 17 قىركۇيەك، 2020

تابىسى ەڭ كوپ فۋتبولشىلار

30 رەت كورسەتىلدى

ەل-جۇرتتىڭ بار­لى­عىنىڭ اقشاسىن ەسەپتەپ وتىراتىن ايگىلى Forbes جۋرنالى 2020 جىل­عى الەمدە ەڭ كوپ تابىس تاپقان فۋتبول­شىلاردىڭ ءتىزىمىن جاريالادى.

بۇل ءتىزىمنىڭ كوشىن كاتا­لونيالىق «بارسەلونا» كو­مان­داسىنىڭ شابۋىلشىسى ليونەل مەسسي باستاپ تۇر. ارگەن­تينالىق شابۋىلشى ءبىر جىلدىڭ ىشىندە 126 ميلليون دوللار تابىس تاپقان. ونىڭ 92 ميلليونىن مەسسي جالاقى رەتىندە السا، قالعان 36 ميلليون دوللار تابىس جارنامادان تۇسكەن. باسىلىمنىڭ مالىمەتى بويىنشا، شابۋىلشىنىڭ ەڭ ءىرى دەمەۋشىسى Adidas كوم­پانيا­سى ەكەن. بۇل كومپانيا وعان جىلىنا شامامەن 20 ميلليون دوللارداي پايدا ءتۇسىرىپ تۇرادى.

رەيتينگتىڭ ەكىنشى ساتىسىندا تۋريندىك «يۋۆەنتۋس» كومان­داسىنىڭ ويىنشىسى كريش­تيانۋ رونالدۋ تۇر. پور­تۋگاليا قۇراماسى شابۋىل­شىسىنىڭ جىلدىق تابىسى – 117 ميلليون دوللار. ول يتا­ليالىق كوماندادان 70 ميل­ليون دوللار جالاقى السا، 47 ميلليون دوللار جارنامادان كەلگەن. رونالدۋدىڭ ەڭ ءىرى دەمەۋشىسى – Nike كومپانيا­سى. امەريكالىق كومپانيا جار­ناما ءۇشىن شابۋىلشىعا 20 ميلليون بەرەدى. 10 ميلليون­دى ول الەۋمەتتىك جەلى ار­قى­لى تاپقان. جالپى بۇل فۋت­بولشىنىڭ بارلىق الەۋ­مەت­تىك جەلىلەرىندەگى وقىر­مان­دار سانى 457 ميلليون ادام. جۋىردا عانا ۇلتتىق قۇرا­ماسى ساپىندا 100-ءشى گولىن سوققان شابۋىلشى قالعان تا­بىستى ءتۇرلى دەمەۋشىلەردەن العان.

ۇزدىك ۇشتىكتى فرانتسيالىق «پاري سەن-جەرمەن» كوماندا­سىنىڭ شابۋىلشىسى نەيمار تۇيىندەپ تۇر. برازيليالىقتىڭ تابىسى – 96 ميلليون دوللار. 28 جاستاعى بۇل ويىنشىعا پاريجدىك كوماندا 70 ميلليون دوللار جالاقى تولەيدى. قالعان تابىس – جارنامادان. ول جۋىردا Nike كومپانياسىمەن كەلىسىمشارتىن بۇزىپ، Puma كومپانياسىمەن شارتناما جاساعان. بۇل كەلىسىمشارت بو­يىنشا نەيمار كومپانيا­دان 15 ميلليون دوللار الادى. قالعانىن فۋتبولشى الەۋ­مەتتىك جەلى جانە دە باسقا دە­مەۋشىلەرىنەن الىپ وتىر.

ءتىزىمنىڭ ءتورتىنشى ساتىسىنا بۇل كۇندەرى الەمنىڭ ەڭ قىم­بات فۋتبولشىسى سانالىپ جۇرگەن كيليان مباپپە جاي­عاسىپتى. وتكەن ماۋسىمدا 18 گول سوعىپ، فرانتسيا بىرىن­شىلىگىنىڭ ۇزدىك سۇرمەرگەنى اتان­عان شابۋىلشىنىڭ جالا­قىسى 28 ميلليون دوللار. بۇل كوماندانىڭ باسقا فۋتبولشىلارىمەن سالىستىرعاندا از جالاقى. سول ءۇشىن دە مباپپە ماۋسىم سوڭىندا جالاقىسىن كوتەرمەسە، كەتەمىن دەپ وتىر. جۋىر­دا عانا كوروناۆيرۋس­پەن اۋىرىپ، ەمدەلىپ شىققان شابۋىل­شىنىڭ جارنامادان تۇسەتىن تابىسى 14 ميلليون دوللار كورىنەدى.

بەسىنشى ورىن موحاممەد سالاحقا بۇيىرىپتى. مى­سىر قۇراماسى مەن اعىل­شىن­­دىق «ليۆەرپۋل» شابۋىل­شىسىنىڭ تابىسى – 37 ميلليون دوللار. سالاحتىڭ ءبىر جىل­دىق جالاقىسى – 24 ميلليون. جار­نامادان تۇسەتىن تابىسى – 13 ميلليون. ول مىسىر ەلىن­دە تانىمال تۇلعالاردىڭ ءبىرى بول­عاندىقتان، جارنامادان تۇ­سەتىن تابىستىڭ كوبىن ءوز ەلىنەن الادى.

سونداي-اق ءتىزىمنىڭ ۇزدىك وندىعى­نىڭ قاتارىندا پول پوگ­با («مانچەستەر يۋناي­تەد»، 34 ميلليون. 28+3)، ان­تۋان گريزمانن («بارسەلونا»، 33 ميلليون. 28+5)، گارەت بەيل («رەال»، 29 ميلليون. 23+6)، روبەرت لەۆاندوۆسكي («با­ۆاريا»، 28 ميلليون. 24+4)، دا­ۆيد دە حەا («مانچەستەر يۋناي­تەد»، 27 ميلليون. 24+3) سەكىلدى فۋتبولشىلار بار.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار