ايماقتار • 16 قىركۇيەك، 2020

ب.ساعىنتاەۆ: قالاداعى ءتارتىپ ارقايسىمىزعا قاتىستى

27 رەت كورسەتىلدى

الماتىلىقتاردىڭ "الماتى" تەلەارناسى ارقىلى، Akimat Live باعدارلاماسىنىڭ ەفيرىندە قويىلعان سۇراقتارىنا جاۋاپ بەرە كەلە، قالا اكىمى ناقتىلى شارالارى تۋرالى اڭگىمەلەدى جانە الماتىلىقتاردى ءوز اۋلالارىندا، شاعىناۋداندارىندا ءتارتىپ پەن تازالىق ساقتاۋعا شاقىردى، دەپ حابارلايدى Egemen.kz

"اباتتاندىرۋ ەرەجەلەرىن ساقتاۋ قالا ءۇشىن وزەكتى ماسەلەلەردىڭ ءبىرى بولىپ تابىلادى. ءبىز ءبارىمىز ۇيىمىزدە، پاتەرىمىزدە ءتارتىپ پەن تازالىق بولعانىن قالايمىز. ءدال وسىنداي كوزقاراس قالا كوشەلەرىنە قاتىستى بولۋى ءتيىس. ءبىز قالا تۇرعىندارىنىڭ بويىنا قالادا ءتارتىپتى ساقتاۋ مادەنيەتىن قالىپتاستىرۋىمىز كەرەك"، دەپ اتاپ ءوتتى ب. ساعىنتاەۆ.

اباتتاندىرۋ ەرەجەلەرىن بۇزعانى ءۇشىن قر "اكىمشىلىك قۇقىق بۇزۋشىلىق تۋرالى" كودەكسىنىڭ 505 تارماعى بويىنشا اكىمشىلىك جاۋاپكەرشىلىك قاراستىرىلعان. جەكە تۇلعالارعا – ەسكەرتۋ نەمەسە 20 اەك مولشەرىندە ايىپپۇل، شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا 30 اەك مولشەرىندە، ورتا كاسىپكەرلىك سۋبەكتىلەرىنە 40 اەك، ءىرى كاسىپكەرلىك سۋبەكتىلەرىنە 100 اەك مولشەرىندە ايىپپۇل سالىنادى.

بيىلعى جىلدىڭ تامىز ايىندا عانا الماتى قالاسىنىڭ اباتتاندىرۋ ەرەجەلەرىن بۇزعانى ءۇشىن 172 جەكە تۇلعاعا 6،8 ملن.تەڭگە، 25 زاڭدى تۇلعاعا 2،1 ملن.تەڭگە كولەمىندە ايىپپۇل سالىندى. قالانى تازارتۋعا 13 مەردىگەرلىك ۇيىم جۇمىلدىرىلعان. ماگيسترالدى كوشەلەر كۇنىنە ەكى رەت، اۋداندىق ماڭىزى بار كوشەلەر مەن ورتاق پايدالانىلاتىن ورىندار كۇن سايىن تازارتىلادى.

تۇرمىستىق قاتقىل قالدىقتار قوقىس تاسىمالدايتىن 25 ۇيىمنىڭ كۇشىمەن سىرتقا شىعارىلادى. كۇن سايىن قالا اۋماعىنان شامامەن 1200 توننا قالدىق تاسىمالدانادى. بارلىق قالدىقتار قوقىس سۇرىپتاۋ كەشەنىندە سۇرىپتالادى، مۇندا ورگانيكالىق ەمەس قالدىقتار ءبولىنىپ، ودان ءارى وڭدەۋگە جىبەرىلەدى. قايتا وڭدەلمەيتىن بيولوگيالىق جاعىنان ىدىرايتىن قالدىقتار الماتى وبلىسى قاراساي اۋدانىنىڭ ايتەي اۋىلىنداعى پوليگونعا جىبەرىلەدى.

قالا اۋماعىندا ماكۋلاتۋرا مەن اينەك قالدىقتارىن وڭدەيتىن زاۋىتتار بار. بۇگىنگى كۇنى قالدىقتاردىڭ باسقا تۇرلەرىن وڭدەۋ ءوندىرىسىن ۇيىمداستىرۋ ماسەلەسى زەرتتەلۋدە جانە پىسىقتالۋدا.

سوڭعى جاڭالىقتار

قازاقستاندا دوللار قىمباتتادى

ەكونوميكا • بۇگىن، 11:37

ۇقساس جاڭالىقتار