بۇل رەتتە ەلىمىزدىڭ ءۇشىنشى ۇلكەن شاھارى – شىمكەنتتە COVID-19 جانە ۆيرۋستىق پنەۆمونيانىڭ ىقتيمال ورشۋىنە مەديتسينالىق ۇيىمداردىڭ دايىندىعىن انىقتاۋ بويىنشا وقۋ-جاتتىعۋ ءوتتى. ونداعى ماقسات – قالانىڭ بارلىق مەديتسينالىق ۇيىمدارىنىڭ كوروناۆيرۋستىق ينفەكتسيامەن كۇرەسكە دايىندىعىن بارىنشا پىسىقتاۋ.
ءىس-شاراعا ينفەكتسيالىق جانە پروۆيزورلىق ستاتسيونارلارمەن قاتار مەنشىك نىسانىنا قاراماستان, بارلىق باستاپقى مەديتسينالىق سانيتارلىق كومەك (بمسك) ۇيىمدارى قاتىستى. وقۋ-جاتتىعۋ جۇمىستارىنا 36 بمسك ۇيىمى, 9 دياگنوستيكالىق ورتالىق, 7 پتر زەرتحاناسى جۇمىلدىرىلدى. «اسار» شاعىن اۋدانىنداعى قالالىق جۇقپالى اۋرۋلار ورتالىعىندا وتكەن وقۋ-جاتتىعۋ بارىسىندا ناۋقاستىڭ شاقىرتۋىنىڭ «103» پۋلتىنە تۇسكەن ساتىنەن باستاپ, ءتيىستى بەلگىلەرى بولعان جاعدايدا ستاتسيونارعا جاتقىزۋعا دەيىنگى باعىتىنىڭ الگوريتمىنە باسا نازار اۋدارىلدى.
ء«دəرى-دəرمەك تولىق قامتاماسىز ەتىلگەن. وتتەگى اپپاراتتارى جەتكىلىكتى. ال بۇگىنگى وقۋ-جاتتىعۋ – بولجامدى تولقىنعا دايىندىق. مۇنىڭ ماڭىزى زور», دەيدى قالالىق جۇقپالى اۋرۋلار ورتالىعىنىڭ اعا دəرىگەرى شىرىمبەك بەكەن ۇلى.
سونداي-اق شىمكەنت قالالىق №3 ەمحاناسىندا دا كوروناۆيرۋس پاندەمياسىنا قارسى وقۋ-جاتتىعۋ جۇمىستارى جۇرگىزىلدى. وقۋ-جاتتىعۋ بارىسىندا ەمحاناعا كەلىپ تۇسكەن شاقىرتۋ قابىلداندى. شاقىرتۋ تۇسكەننەن كەيىن ناۋقاستىڭ ۇيىنە دارىگەرلەر مەن فەلدشەرلەر بارىپ, ونىڭ حال-جاعدايىن تولىققاندى تەكسەرىپ, مەديتسينالىق كومەك كورسەتتى. تەكسەرۋ كەزىندە ناۋقاسقا قوسىمشا دياگنوستيكالىق كومەك كەرەك بولعاندىقتان «مەديكەر» ورتالىعىنا اپارىپ, كومپيۋتەرلىك توموگرافياعا ءتۇسىردى.
مامانداردىڭ بولجاۋى بويىنشا, ىندەتتىڭ ەكىنشى تولقىنى بولۋى ىقتيمال. سوندىقتان دا وسى دەرتكە مەديتسينا ماماندارى توتەپ بەرە ءبىلۋى كەرەك. وسى ماقساتتا قالادا ينفەكتسيالىق جانە پروۆيزورلىق ستاتسيونارلارمەن قاتار مەنشىك نىسانىنا قاراماستان, بارلىق بسمك اراسىندا بۇگىن وقۋ-جاتتىعۋ شارالارى باستالدى. وقۋ-جاتتىعۋ شاراسى اياسىندا شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان «112» قۇتقارۋ قىزمەتىنىڭ جۇمىسىمەن تانىسىپ, ماماندارعا تابىس تىلەدى.
وسى ورايدا ايتا كەتسەك, ەگەر ناۋقاستىڭ وكپە قابىنۋ دەڭگەيى 15 پايىزدان جوعارى بولسا, «اتامەكەن» مەديتسينالىق ورتالىعىنا جەتكىزىلەدى. شىمكەنت قالالىق دەنساۋلىق ساقتاۋ باسقارماسى باسشىسىنىڭ ورىنباسارى ايگۇل جاقىپقىزىنىڭ ايتۋىنشا, «اتامەكەن» پروۆيزورلى ستاتسيونارىنا ورتا دارەجەلى ناۋقاستار تۇسەدى. ناۋقاس ەنتىگۋ حالىندە تۇسسە, پروۆيزورلى ورتالىقتاعى قىزىل جولاقپەن پالاتاعا جەتكىزىلەدى. ەگەر ءوزى تىنىس الا الاتىن بولسا, سارى جولاقپەن جۇرگىزىلىپ, ءاناليزى تولىق الىنىپ, پالاتاعا جايعاستىرىلادى.
وقۋ-جاتتىعۋ بارىسىندا شىمكەنت قالالىق №3 ەمحاناسىنىڭ باس دارىگەرى اقمارال ۋاليحانقىزى ەمحاناعا كۇندەلىكتى شاقىرتۋلار تۇسەتىنىن, بۇل شاقىرتۋلار اۆتوماتتى تۇردە 4 كاتەگورياعا بولىنەتىنىن جەتكىزدى. ارنايى جاتتىعۋ كەزىندە مەديتسينا قىزمەتكەرىنە ناۋقاستاردىڭ جاي-كۇيىنىڭ اۋىرلىعىن انىقتاۋ, كوروناۆيرۋستىق ينفەكتسيا كەزىندە ساقتانۋ شارالارى بويىنشا باعالاۋ جۇرگىزىلىپ, پروۆيزورلىق ستاتسيونارعا تاسىمالداۋ جولدارى كورسەتىلدى. سونىمەن قاتار وقۋ-جاتتىعۋ بارىسىندا ەمحانالاردىڭ جانىنان قۇرىلعان ءموبيلدى توپتاردىڭ ءىس-ارەكەتتەرى دە ءتۇسىندىرىلدى. ولاردىڭ قاجەت بولعان جاعدايدا پاتسيەنتتى كومپيۋتەرلىك توموگرافيانى تەكسەرۋگە جىبەرۋ, پتر تالداۋدى الۋ بويىنشا دايىندىق جۇمىستارى جۇرگىزىلدى.
شىمكەنت
