2013 جىلعى 7 تامىز, استانا, ۇكىمەت ءۇيى
«ەسەپتىك ءتاريفتى ايقىنداۋ, شەكتى جانە شەكتى تاريفتەردى بەكىتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 10 ناۋرىزداعى № 227 قاۋلىسىنا تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «ەسەپتىك ءتاريفتى ايقىنداۋ, شەكتى جانە جەكە تاريفتەردى بەكىتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 10 ناۋرىزداعى № 227 قاۋلىسىنا (قازاقستان رەسپۋبليكاسىنىڭ ءپۇاج-ى, 2009ج., № 14, 101-قۇجات) مىناداي تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن ەسەپتىك ءتاريفتى ايقىنداۋ, شەكتى جانە جەكە تاريفتەردى بەكىتۋ ەرەجەسى مىناداي مازمۇنداعى 14-1 جانە 14-2 تارماقتارمەن تولىقتىرىلسىن:
«14-1. ەنەرگيا ءوندىرۋشى ۇيىمدار توبى مىناداي ولشەمدەر بويىنشا قالىپتاسادى: ەنەرگيا ءوندىرۋشى ۇيىمداردىڭ تيپتەرى, بەلگىلەنگەن قۋاتى, پايدالانىلاتىن وتىن ءتۇرى, وتىننىڭ ورنالاسقان جەرىنەن قاشىقتىعى.
ەنەرگيا ءوندىرۋشى ۇيىمدار «ەنەرگيا ءوندىرۋشى ۇيىمداردىڭ ءتيپى» ولشەمى بويىنشا ەلەكتر ستانتسيالارىنىڭ مىناداي تيپتەرىنە بولىنەدى:
1) كوندەنساتتىق – تەك قانا ەلەكتر ەنەرگياسىن وندىرەتىن ستانتسياسى;
2) جىلۋ ەلەكتر ورتالىعى – ەلەكتر ەنەرگياسىن وندىرۋمەن قاتار, جىلۋمەن جابدىقتاۋدىڭ ورتالىقتاندىرىلعان جۇيەلەرىندەگى جىلۋ ەنەرگياسىنىڭ كوزى بولىپ تابىلاتىن جىلۋ ەلەكتر ستانتسياسى;
3) گاز-تۋربينالىق – گاز تەكتەس وتىن ءتۇرىن ەنەرگيا كوزى رەتىندە پايدالاناتىن ەلەكتر ستانتسياسى.
ەنەرگيا ءوندىرۋشى ۇيىمدار «بەلگىلەنگەن قۋاتى» ولشەمى بويىنشا 100مۆت-قا دەيىن, 100 مۆت-تان 300مۆت-قا دەيىن, 300 مۆت جانە ودان جوعارى بولىپ بولىنەدى.
ەنەرگيا ءوندىرۋشى ۇيىمدار «پايدالانىلاتىن وتىن ءتۇرى» ولشەمى بويىنشا كومىرمەن, جەرگىلىكتى گازبەن, يمپورتتالعان گازبەن, مازۋتپەن جۇمىس ىستەيتىندەر بولىپ بولىنەدى.
ەنەرگيا ءوندىرۋشى ۇيىمدار «وتىننىڭ ورنالاسقان جەرىنەن قاشىقتىعى» ولشەمى بويىنشا 500 كم-گە دەيىن, 500 كم-دەن 1000 كم-گە دەيىن, 1000 كم جانە ودان جوعارى بولىپ بولىنەدى.
14-2. ەگەر ەنەرگيا ءوندىرۋشى ۇيىمنىڭ قۇرامىنا ءبىر-بىرىنەن ەرەكشەلەنەتىن بىرنەشە ەلەكتر ستانتسياسى كىرەتىن بولسا, وندا اتالعان ەنەرگيا ءوندىرۋشى ۇيىم جەكە توپ بولىپ قالىپتاسادى.».
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
