قوعام • 16 قىركۇيەك، 2020

ەستۋ، تىڭداۋ، سويلەۋ قابىلەتى ناشار بالالارعا قالاي كومەكتەسۋگە بولادى؟

19 رەت كورسەتىلدى

بۇل كۇندەرى TOMATIS-تەراپيا ءادىسى استانالىق №1 پسيحولوگيالىق-پەداگوگيكالىق تۇزەتۋ كابينەتىنە كەلەتىن ايرىقشا بالالاردىڭ جاقسى ەستۋىنە، تۇسىنۋىنە جانە سويلەۋىنە سەپتەسە باستادى، دەپ حابارلايدى Egemen.kz

№1 پپتك-نە TOMATIS TalksUp اپپاراتىن الىپ بەرىپ جانە وسى كابينەتتىڭ تۇزەتۋشى پەداگوگىنا ماسكەۋدە وقۋعا قولداۋ كورسەتكەن "ايالا" قايىرىمدىلىق قورى بۇل ءىستى "كاتكو" جانە "قامقور مەنەدجمەنت" كومپانيالارىنىڭ 2019 جىلى استانا مارافونىنا كورپوراتيۆتىك قاتىسۋىنان تۇسكەن قاراجات ەسەبىنەن جۇزەگە اسىردى. 

TOMATIS-تەراپيا ءادىسى 75 ەلدە 60 جىلدان استام ۋاقىت بويى قولدانىلىپ كەلەدى. ول دۇرىس ەستۋدى قالپىنا كەلتىرۋ مۇمكىندىگىن كوتەرىپ، ميدىڭ دىبىستىق سەنسورلىق جولداۋعا نەعۇرلىم مۇقيات بولۋىنا كومەكتەسەدى. بۇل مي بولجاي المايتىن كۇتپەگەن وزگەرىستەردى شوعىرلاندىرۋ ارقىلى جۇرەدى. سونىمەن قاتار ول ەستە ساقتاۋ جانە نازار اۋدارۋ كىناراتىندا، ەموتسيانىڭ بۇزىلۋى، وقۋ پروبلەماسى كەزىندە كومەكتەسەدى جانە ايرىقشا بالالاردىڭ قوزعالىس ۇيلەسىمدىلىگىن جانە دەنەسىن باسقارۋىن ەداۋىر جاقسارتادى.

TOMATIS ءادىسى بويىنشا 25 مينۋت ىشىندە بالا ارنايى قۇلاققاپ كيىپ، وزىنە قىزىقتى قىزمەت تۇرلەرىمەن اينالىسادى: ارت-تەراپيا، قۇم تەراپياسى ەلەمەنتتەرى، ءارتۇرلى ويىن پراكتيكالارى قولدانىلادى.

TOMATIS ءادىسىنىڭ پراكتيكالىق پايداسىن نۇر-سۇلتان قالاسىنىڭ "№1 پسيحولوگيالىق-پەداگوگيكالىق تۇزەتۋ كابينەتى" كمم ديرەكتورى باقىت امرينا: ء"بىز لوگوپەدتەرمەن، پسيحولوگتارمەن تىعىز ءوزارا ارەكەتتەسىپ جۇمىس ىستەيمىز جانە TOMATIS-تەراپيا ءبىرىنشى ساباقتان-اق ناتيجە بەرە باستاعانىن بايقادىق. باسقا ادىستەمەلەرمەن سالىستىرعاندا وندا دەربەس ءتاسىل قولدانىلادى، كومپيۋتەرگە بايلانىستىرىلمايدى، قانداي دا ءبىر ارنايى جاعدايلار جاساۋ تالاپ ەتىلمەيدى"، دەيدى.

بۇل ءادىستىڭ ءبىر باعدارلاما كۋرسى 14 كۇندى قۇرايدى. ساباق كەزىندە مامان بالانى قاداعالايدى جانە وزگەرىستەرىن بەلگىلەپ وتىرادى. بۇل رەتتە بالالار ەكىنشى ساباقتان باستاپ ارەكەت رەتتىلىگىن ساقتاي وتىرىپ كابينەتكە قۋانىپ كىرەدى (كىرەدى، امانداسادى، قۇلاققاپ كيەدى جانە ۇستەل باسىنا وتىرادى). ساباقتىڭ اياقتالۋى حابارلانعان كەزدە بالا قۇلاققابىن شەشتىرۋ ءۇشىن پەداگوگقا كەلەدى جانە قوشتاسىپ، كابينەتتەن شىعادى. كەيبىر بالالار مۋزىكا قوسىلعان ساباقتا ءتىپتى بيلەي باستايدى.

وڭ وزگەرىستەردى اتا-انالارى دا بايقاپ وتىر: بالالار العاشقى دىبىستار مەن سوزدەردى ايتىپ، ىنتاسى، زەيىنى جاقسارىپ، نۇسقاۋلىقتى تۇسىنە باستاعان.

ء"بىزدىڭ بالالارىمىز جانە ولاردىڭ دامۋىندا بولعان جاعىمدى وزگەرىستەر بۇل ءادىستىڭ تيىمدىلىگىن راستاپ وتىر. سوندىقتان مەن "ايالا" قايىرىمدىلىق قورىنا، "KATKO" جانە "قامقور مەنەدجمەنت" كومپانيالارىنا وسى تاماشا جابدىق ءۇشىن العىسىمدى بىلدىرگىم كەلەدى. بۇل ايرىقشا ءبىلىم بەرۋگە مۇقتاج بالالاردىڭ بۇزىلۋىن تۇزەتۋ ءۇشىن ماڭىزدى جانە قاجەتتى قۇرال"، دەيدى باقىت بەكبولاتقىزى. 

TOMATIS-تەراپيا ءادىسى ارقىلى №1 پپتك-دە 14 بالا ءوتتى، تاعى 8 بالاعا وسى تەراپيادان ءوتۋ دياگنوزى قويىلدى. ال بارلىعى بۇل كابينەتتەن دامۋى ءارتۇرلى بۇزىلعان جانە ايرىقشا ءبىلىم بەرۋگە مۇقتاج 850 بالا جىل سايىن وڭالتۋدان وتەدى.

ء"بىزدىڭ قور "ايرىقشا بالالارعا – ايرىقشا نازار" جوباسىن 10 جىلدان استام ۋاقىتتان بەرى ىسكە اسىرىپ كەلەدى. وسى ۋاقىت ىشىندە ءبىز قازاقستاننىڭ قالالارى مەن كەنتتەرىندەگى 25 تۇزەتۋشى مەكتەپ-ينتەرناتتارعا جانە 10 پسيحولوگيالىق-پەداگوگيكالىق تۇزەتۋ كابينەتتەرىنە ارنايى دامىتۋشى جابدىقتار، سونىڭ ىشىندە 5 مونتەسسوري بولمەسىنە جانە 19 سەنسورلىق بولمەگە جابدىقتار ورناتتىق. ءبىز ءتيىمدى TOMATIS ادىستەمەسىنە بىلتىر قىزىعىپ، ونى دەرەۋ استانا مارافونى ءۇشىن جوبا رەتىندە ۇسىندىق. بۇل ءادىستى قولدانۋدىڭ وسىنداي قىسقا مەرزىمى ىشىندە قازاقستاندا راستالعان جاعىمدى ناتيجەلەر بەرۋى مەنى قاتتى قۋانتىپ وتىر. ازىرگە TOMATIS ەلىمىزدە ايرىقشا ءبىلىم بەرۋگە مۇقتاج بالالاردى دامىتۋمەن اينالىساتىن 40-تان استام پپتك-ءنىڭ بىرەۋىندە عانا بار. بۇل ادىستەمەنىڭ باسقا قالالاردا قولجەتىمدى بولۋى ءۇشىن Birgemiz.kz پورتالىندا قاراجات جيناپ جاتىرمىز. سوندىقتان مەن بۇكىل قازاقستاندىقتاردى وسى جوباعا جاردەم بەرۋگە جانە ايرىقشا بالالارعا قامقورلىق جاساۋعا كۇشىمىزدى بىرىكتىرۋگە شاقىرامىن"، دەيدى "ايالا" قايىرىمدىلىق قورىنىڭ پرەزيدەنتى ايدان سۇلەيمەنوۆا.  

سوڭعى جاڭالىقتار

قۇمداعى تۇراق قازاندا قازىلادى

ايماقتار • بۇگىن، 15:08

تۇتاستىقتىڭ تۇعىر ءدىڭى

ايماقتار • بۇگىن، 14:57

"دامۋمەن" بىرگە داميدى

ايماقتار • بۇگىن، 13:30

اسار شاعىناۋدانىندا 100 وتباسى جۇمىسپەن قامتىلدى

وڭتۇستىك قازاقستان • بۇگىن، 10:31

ومبىدا اباي ءۇيى اشىلدى

اباي • بۇگىن، 10:20

التىن ارزاندايدى

الەم • بۇگىن، 09:40

ەڭ ۇزدىك بەستىكتە

كاسىپقوي بوكس • بۇگىن، 07:58

الەم چەمپيوناتىنا قاتىسادى

سپورت • بۇگىن، 07:52

ءتۋرنيردى جەڭىسپەن باستادى

تەننيس • بۇگىن، 07:50

جاستاردىڭ جۇرەك قالاۋى

قوعام • بۇگىن، 07:43

ىزگىلىكتى ىسكە جۇمىلعاندار

قوعام • بۇگىن، 07:37

تارازدا كۇردەلى وپەراتسيا جاسالدى

مەديتسينا • بۇگىن، 07:35

ۆيرتۋالدى ۆيرۋس

قوعام • بۇگىن، 07:16

ءورىس كەڭەيسە، ءونىم ارتادى

ەكونوميكا • بۇگىن، 07:09

اجالعا اراشا ءتۇستى

مەديتسينا • بۇگىن، 07:02

حايپ پەن بايىپ

قوعام • بۇگىن، 07:01

ۇقساس جاڭالىقتار