ايماقتار • 16 قىركۇيەك، 2020

الماتىدا ساپالى اۋىز سۋمەن 12 مىڭ تۇرعىن قامتاماسىز ەتىلەدى

32 رەت كورسەتىلدى

الماتى اكىمى باقىتجان ساعىنتاەۆ تۇركسىب اۋدانىنىڭ جاڭا ىقشاماۋداندارىندا سالىنىپ جاتقان سۋمەن قامتۋ جانە سۋدى بۇرۋ جەلىلەرىنىڭ، جولداردىڭ، كوشە جارىعى قۇرىلىستارىنىڭ قارقىنىن تەكسەردى، دەپ حابارلايدى Egemen.kz

الماتى اكىمى ب. ساعىنتاەۆ Instagram-داعى پاراقشاسىندا مەگاپوليستىڭ اۋداندارىنا جاساعان جۇمىس ساپارى تۋرالى ۇنەمى ايتىپ كەلەدى. مۇندا قالا اكىمى جولداردىڭ، ينجەنەرلىك ينفراقۇرىلىمداردىڭ قۇرىلىستارىنا، اۋماقتاردىڭ اباتتاندىرىلۋىنا جانە تۇرعىنداردىڭ الەۋمەتتىك وتىنىمدەرىنىڭ شەشىلۋىنە ايرىقشا نازار اۋدارادى.

"قالاعا قوسىلعان ىقشاماۋداندار تۇرعىندارى بىرنەشە جىلدان بەرى كوممۋنالدىق-تۇرمىستىق جاعدايدىڭ جاقسارۋىن كۇتۋمەن كەلەدى. قالا تۇرعىندارىنىڭ وتىنىشتەرىن ەسكەرىپ، وتكەن جىلى شەت ايماقتاردى دامىتۋعا باعىتتالعان "جاڭا الماتى" كەشەندى جوسپارىن ازىرلەدىك"، دەپ جازدى ب.ساعىنتاەۆ.

1

كەشەندى جوسپارداعى مىندەتتەردىڭ قالاي ىسكە اسىپ جاتقانىمەن قالا اكىمى تۇركسىب اۋدانىنا جاساعان جۇمىس ساپارى بارىسىندا تانىستى. مۇندا بىردەن ءۇش ىقشاماۋدانداردا – قايرات، المەرەك پەن نۇرشاشقاندا جىل سوڭىنا دەيىن 150 شاقىرىمنان استام سۋمەن قامتۋ جانە سۋدى بۇرۋ جەلىلەرىن سالۋ جوسپارلانعان. ساپالى اۋىز سۋمەن 12 مىڭ تۇرعىن قامتاماسىز ەتىلەدى. جەلىلەر توسەلگەننەن كەيىن جول جامىلعىسى دا رەتكە كەلتىرىلەدى.

بۇلاردان وزگە، ونىڭ مالىمەتى بويىنشا، المەرەك، قايرات، ماياك، جاس قانات، تومەنگى پياتيلەتكا، نۇرشاشقان سياقتى التى ىقشاماۋدانداعى 614 كوشەگە سىرتقى جارىق جۇيەلەرى ورناتىلادى.

"اۋدانداعى 12 كوشەدەگى 9،3 شاقىرىم بولاتىن جول ورتاشا جوندەۋدەن وتكەن. 2021 جىلى نۇرشاشقان ىقشام اۋدانىنداعى 25 كوشەدە 5،1 شاقىرىمعا جەتەتىن جاڭا جول سالۋ جوسپارلانۋدا. قالا تۇرعىندارىنىڭ ءومىر ءسۇرۋ ورتاسىن جاقسارتۋ جۇمىستارى جالعاسۋدا"، دەپ اتاپ ءوتتى مەگاپوليس اكىمى.

سوڭعى جاڭالىقتار

ۇقساس جاڭالىقتار